Високо ризичната акција на спасување на осум патници, од кои шест деца, во кабина на жичарницата која остана да виси над планинска клисура на само една сајла, луѓето во целата земја ја следеа напнато преку телевизијата и социјалните мрежи до доцните синоќешни часови (22.08.2023).

Несреќата се случи во провинцијата Кубер Пактунква во Пакистан, во момент кога децата со жичарницата биле на пат во училиште. Воен хеликоптер на пакистанската армија прво ги снабди заглавените патници со вода и лекови, посебно итни за 16-годишник со срцеви проблеми кој бил на пат во болница.

Спасувачката екипа ноќта ја прекина мисијата по извлекувањето на пет лица, а полицијата како причина  го наведе лошото време во планинскиот регион. Доброволни спасувачи од регионот меѓутоа во консултација со војската ги продолжија напорите и ги спасија и останатите три деца од кабината.