Сурферите со своите штици на температури околу нулата се собрани во Англиската градина, во срцето на Минхен. Тие сурфаат на бран на Ајсбах, крак на реката Исар.

Бранот, или т.н. Ајсбахвеле, е направен вештачки, со железнички праг, и за сурфање се користи повеќе од 40 години. Со оглед на тоа што е создаден од човечка рака, на него може да се суфра речиси секогаш. Но, сурфањето овде не е за почетници. Ајсбахвеле крие многу опасности поради тоа што делот погоден за сурфање е многу тесен и се наоѓа меѓу два бетонски ѕида. Освен тоа, струите се многу силни и постои голема опасност од давење.