Поради климатските промени глечерите ширум светот се повлекуваат сѐ побрзо. Во текот на изминатите години мразот исчезнуваше трипати побрзо отколку во 20. век. Околу 5000 глечери на Алпите за само 15 години загубија една шестина од својот мраз, се вели од Светскиот сервис за набудување на глечерите. Според пресметките, нивниот број во наредните години ќе се преполови. Експертите проценуваат дека топењето на глечерите веќе не може да се запре. Следните чекори во борбата против затоплувањето на климата се тема во фокусот на Светската конференција за климата КОП27 во Египет.