Зад фотографијата со импресивен контраст на бои се крие напорно секојдневие на работничките на полињата со лути црвени пиперчиња – чили. Работничките во Раигнај, западен Бенгали во Индија, работат по 8 часа на силното сонце, а дневно заработуваат околу два долари. Работата со чили пиперчињата е еден од главните извори на приходи за нивните семејства за време на летниот период.