Нацистичкиот режим покрена бран погроми на територија на германскиот Рајх. Беа запалени и уништени повеќе од 1400 синагоги и илјадници еврејски куќи, училишта и продавници. Таа ноќ (9 ноември 1938 година) или по неа, загинаа околу 1500 луѓе. Многумина беа депортирани или извршија самоубиство. 

Зошто е толку важно никогаш да не се заборави?
 
Ноемврискиот погром беше изведен пред очите на сите. Полициските сили и пожарникарите не интервенираа.Нацистичките власти дури тврдеа дека самите Евреи се виновни за немирите. После погромот, околу 30.000 Евреи беа уапсени или испратени во нацистичките концентрациони логори. Ноемврискиот погром беше увертира за ужасите на Холокаустот.