Гувернерот на Севастопол, Михаил Расвошајев, кој е поставен од страна на Москва, соопшти дека денеска (29.04), по напад со дрон, се запалил резервоар за гориво. Гувернерот на пристанишниот град на полуосторовот Крим на Телеграм напиша дека „според првичните информации пожарот е предизвикан од напад со дрон“ и дека површината на пожарот е „околу 1000 квадратни метри“.

Гувернерот го повика населението на смиреност и подоцна соопшти дека „никој не е повреден“. Ситуацијата, според него, е ставена под контрола и не постои опасност за цивилната инфраструктура.

Расвошајев на Телеграм напиша и дека пожарот нема да влијае на „снабдувањето со гориво на Севастопол“, затоа што „овие резерви не се користеле за снабдување на бензинските пумпи“. Ваквата изјава на гувернерот упатува на тоа дека станува збор за резервоар за гориво за воени цели.

Севастопол на Крим е седиште на руската Црноморска флота. Стратешки важниот пристанишен град од почетокот на руската инвазија на Украина е повеќепати напаѓан со дронови.