Истрели и заложничка драма во Дрезден
10 декември 2022![Полициски специјалци во близина на местото на заложничката драма во Дрезден](https://static.dw.com/image/64055463_800.webp)
Осомничениот напаѓач е тешко повреден и во моментов не е во можност да биде сослушан. Тоа го изјави портпаролот на полицијата во Дрезден за германската новинска агенција ДПА. Засега не е познато дали мажот самиот се повредил или бил повреден при апсењето.
Заложниците, една жена вработена во трговскиот центар- Галерија Алтмаркт и едно дете не се повредени, соопшти полицијата. Околу 7 часот и 20 минути полицијата во населбата Прохлис во Дрезден пронашла мртва жена во станбена зграда. Убиството е поврзано со заложничката драма во центарот на Дрезден, соопшти полицијата. Осомничениот е 40-годишниот син на жената.
Потоа се имаше забарикадирано во Галеријата Алтмаркт. Полицијата го опиша мажот како психички растроен. Трговскиот центар и соседните области беа евакуирани. Неколку лица биле внесени во автобус на транспортната компанија во Дрезден и таму биле згрижени. Затворен беше и прочуениот Штризелмаркт, еден од најпознатите божиќни панаѓури во Германија.
Истрели од огнено оружје на друга локациј во Дрезден
Локалните медиуми во Дрезден претходно јавија дека се случил и вооружен напад. Според очевидци, притоа било пукано од огнено оружје. Како што беше наведено, сторителот влегол во зградата Амонхоф, канцелариски комплекс во кој се наоѓа и приватната радио станица Радио Дрезден. Притоа мажот го вперил пиштолот кон случајни минувачи и очигледно имал заложници.
Насилникот со истрелите очигледно се обидел да си обезбеди влез во канцелариите на редакцијата на радио Дрезден. Додека се случувало тоа, еден сведок на нападот успеал да избега и да повика полиција. Според полицијата, вработените во радио станицата успеале да стигнат на безбедно. Сторителот потоа се придвижил кон блискиот трговски центар- Галерија Алтмаркт.
Полицијата за време на заложничката драма побара од жителите на Дрезден да го избегнуваат центарот на градот. Областа околу Галеријата Алтмаркт беше блокирана.
Галеријата Алтмаркт е трговски центар во центарот на Дрезден. Името го добила по Алтмаркт плоштадот во историскиот центар на градот, каде што се наоѓа зградата.