Северна Кореја годинава тестираше повеќе ракети од кога било досега. Во говорот пред членовите на партијата, властодржецот Ким Јонг Ун сега најави нови цели за проширување на воените капацитети.
Лидерот на Северна Кореја, Ким Јонг Ун во обраќање пред парламентот во Пјонгјанг во септември 2022 годинаФотографија: KCNA/AP/picture alliance
Реклама
Севернокорејскиот лидер, Ким Јонг Ун, ги претстави воените цели на Северна Кореја за 2023 година на состанокот на владеачката Работичка партија, пренесе корејската новинска агенција КЦНА.
Вториот ден од шестиот проширен пленарен состанок на Осмиот централен комитет на партијата, Ким ја разгледа новонастаната ситуација на Корејскиот полуостров и поширокиот политички контекст, се наведува во извештајот кој го објави централниот комитет на Работничката партија.
Ким на партиските колеги им ја претставил новата „насока за борба против непријателот“ и целите за засилување на обранбената моќ, се додава во извештајот, но нема детали за целите.
За време на пленарниот состанок, Ким, исто така, укажал на „низа сериозни недостатоци“ забележани годинава во областите на науката, образованието и здравството, и предложил начини за нивно надминување и поставил клучни задачи за наредната година, соопшти КЦНА.
За што е способна севернокорејската армија?
Северна Кореја повторно го привлекува вниманието на светската јавност. Тестирањето на интерконтиненталните ракети наидува на остри критики. Земјата има една од најголемите армии во светот. Но, продолжува да се вооружува
Фотографија: Reuters/KCNA
Меѓу најбројните армии во светот
Севернокорејската армија има 700 илјади војници и околу 4,5 милиони резервисти. Речиси секој петти жител на земјата е во војска. Сите мажи во комунистичкиот режим мораат да учествуваат во воената обука. Поради тоа, Северна Кореја има двојно повеќе војници од соседната Јужна Кореја.
Фотографија: Getty Images/AFP/E. Jones
Различни воени орудија
Според податоците наведени во Глобалниот индекс за вооружување, Северна Кореја во 2017 година располага со 76 подморници, 5.025 тенкови и 458 борбени авиони. На оваа фотографија од 2013 година, лидерот Ким Јонг Ун е сликан во командната централа на армијата.
Фотографија: picture-alliance/dpa
Воена парада
Севернокорејскиот режим секоја година ја демонстрира својата сила на воена парада во главниот град Пјонгјанг. Парадите воглавно се одржуваат за време на некој важен јубилеј на комунистичката земја или семејството Ким.
Фотографија: picture-alliance/dpa/KCNA
Интерконтинентални ракети
САД во четвртокот потврдија дека Северна Кореја успешно тестирала балистичка интерконтинентална ракета. Ракетата од типот „Хвасонг- 14“ е во состојба да ја погоди секоја цел во светот, јави државната новинска агенција КЦНА.
Фотографија: Getty Images/AFP/KCNA
Атомските проби продолжуваат
И покрај острите санкции, Северна Кореја продолжува со својата атомска програма. Само во 2016 година беа извршени пет нуклеарни проби. Јужнокорејскиот министер за одбрана Хан Мин Ко смета дека соседот наскоро ќе го изврши и шестиот тест.
Фотографија: picture-alliance/dpa/KCNA
Закана за светскиот мир
Кина и Русија се единствените земји кои се водат како сојузници на Северна Кореја. Режимот за главен непријател ја смета „империјалистичката сила САД“. Меѓу непријателите уште спаѓаат и Јужна Кореја и Јапонија.
Фотографија: Reuters/K. Hong-Ji
Крај на трпението?
По тестирањето на интерконтиненталните ракети на американското трпение му дојде крајот. Претседателот на САД, Доналд Трамп сака да најде решение со своите сојузници од Г20. Кина и Русија, во секој случај, сакаат да спречат американски напади врз воени цели во Северна Кореја.
Фотографија: picture-alliance/Zumapress/M. Brown
7 фотографии1 | 7
Севернокорејските лидери порано држеа говори на Нова година, но во последните години Ким свикуваше повеќедневни партиски собири на крајот на годината за да објави важни политички одлуки.
Северна Кореја годинава испука голем број ракети во рамки на тестовите на ново оружје, меѓу кои и тестирање на тактичко нуклеарно оружје, нови интерконтинентални балистички ракети и шпионски сателит. На почетокот на неделава, во натамошна провокација, севернокорејски беспилотни летала навлегоа во воздушниот простор на Јужна Кореја.
