Лекарите препорачуваат вакцинација против грип и Ковид
Гудрун Хајзе
24 ноември 2023
Дали вакцините против Ковид и против грип можат да се примат во исто време или треба да да се почека малку од едната до другата вакцинација? Истражувањата за комбинирана вакцина за двете болести сè уште се во тек.
Во ризичната група спаѓаат луѓе над 60 годиниФотографија: Robert Michael/dpa/picture alliance
Реклама
Во Германија повторно се зголемува бројот на заболени од коронавирусот. Лекарите советуваат луѓето да се вакцинираат, бидејќи оваа болест не треба да се потценува. Најдобра заштита е претпазливост и вакцинација. Ова важи како за Ковид, така и за грипот.
Вакцинацијата против Ковид-19 може да се комбинира со вакцинација против грип. Германскиот постојан комитет за вакцинација и американскиот ЦДЦ (Центри за контрола и превенција на болести) се согласуваат за ова. Но, се чини дека не е препорачливо двете вакцини да се примат во иста рака. Бидејќи, при секоја вакцинација, може да се појават реакции на телото, како црвенило околу местото на инјектирање. Затоа, подобро е едната вакцина да се прими во левата рака, а другата во десната рака.
Се препорачува истовремена вакцинација
Светската здравствена организација и здравствените власти од различни земји препорачуваат истовремено примање на двете вакцини.
Предноста е што е потребна само една посета на лекар, што може да доведе до тоа повеќе луѓе да се одлучат за вакцинација против корона и грип. Така, тие би постигнале подобра заштита.
Вакцини- адути на човештвото против Ковид-19
Глобалната кампања за вакцинација против Ковид-19 зема сѐ поголем замав. Во различни земји, создадени се или на повидок се вакцини, кои сега се главно оружје на човештвото во справувањето со пандемијата.
Фотографија: Francis Dean/Dean Pictures/imago images
Бионтек/Фајзер: почеток на иРНК-револуцијата
Првата вакцина против Ковид-19, одобрена за употреба во САД и во ЕУ, беше вакцината на германските научници со турски корени Угур Шахин и неговата сопруга Озлем Туречи. Нивната фирма Бионтек од Мајнц влезе во сојуз со американскиот гигант Фајзер. Медиумите почнаа да зборуваат за „револуција“ во фармацевтската индустрија, откако е создадена првата иРНК вакцина.
Фотографија: Francis Dean/Dean Pictures/imago images
Модерна: родум од универзитетот Харвард
Американската компанија за биотехнологија Модерна е специјализирана и за РНК технологии, кои се сметаат за нов чекор во медицината. Нејзиното седиште се наоѓа во Кембриџ, Масачусетс, во близина на универзитетот Харвард, чии научници ја основаа компанијата во 2010 година. Вакцината на Модерна, создадена со финансиска поддршка од властите, беше втората корона-вакцина регистрирана во САД и во ЕУ.
Фотографија: Matthew Healey/AFP/Getty Images
АстраЗенека: „Оксфордската вакцина“
Научниците од Универзитетот Оксфорд во соработка со британско-шведската компанија АстраЗенека вршеа клинички испитувања и производство на нивната вакцина. Таа во голема мерка се користи во Велика Британија, ги исполнува условите во ЕУ и активно се користи во земјите во развој, бидејќи „вакцината од Оксфорд“ има многу ниска цена. Така, таа се произведува во Индија за локалниот пазар и за извоз.
Фотографија: Channi Anand/AP/picture alliance
Спутник V: првата одобрена вакцина во светот
Во август 2020, Русија објави дека прва во светот регистрирала вакцина против коронавирусот наречена Спутник V. Масовната вакцинација на руското население официјално започна во јануари 2021. Оваа векторска вакцина, изработена од научниците од Московскиот центар Гамалеја, се промовира на странските пазари од страна на Рускиот фонд за директни инвестиции.
Фотографија: Aizar Raldes/AFP/Getty Images
Џонсон и Џонсон: доволна е една доза
Американска корпорација Џонсон и Џонсон е еден од шесте производители на корона-вакцини со кои ЕУ склучи прелиминарни договори за снабдување. Од нејзината векторска вакцина потребна е само една доза, а не две како останатите и се чува во конвенционални фрижидери. За ЕУ оваа вакцина, која доби дозвола за употреба на 11.03. ќе ја произведува белгиската сестринска фирма на Џонсон и Џонсон - Јансен.
Фотографија: Johnson/AP/picture alliance
Синовак: тивкиот конкурент од Кина
Без многу врева и детални извештаи за клиничките испитувања, Кина разви најмалку три вакцини. Една од нив, создадена од деактивиран коронавирус, Синовак Биотек ја тестираше во неколку азиски земји, вклучувајќи ја и Индонезија, која потоа веднаш ја нарача. Да им даде пример на своите сонародници, претседателот на Индонезија, Џоко Видодо, прв се вакцинираше.
Фотографија: Laily Rachev/Biro Pers Sekretariat Presiden
Синофарм: Првата кинеска вакцина
Станува за вакцина со „деактивиран“ вирус која државната компанија ја разви во соработка со Институтот за вирологија од Вухан. Овој вид на вакцини се користи веќе со децении, со добри резултати во пракса. Вакцината која веќе се користи во Србија и во Унгарија, беше првата која доби одобрение за употреба од кинеските власти.
Американската фармацевтска компанија Новавакс објави дека нејзината вакцина е 96 процентно ефикасна против оригиналниот вирус и 86 проценти против британскиот сој. Тоа произлегува од студијата што Новавакс ја спроведуваше во Велика Британија. Вакцината може да биде одобрена за употреба во САД уште во мај, доколку властите утврдат дека податоците од Велика Британија се доволни, соопшти компанијата.
Фотографија: Justin Tallis/AFP/ Getty Images
КјурВак: Печатач за вакцини на Тесла
Втората германска иРНК вакцина, која се очекува да биде регистрирана до лето, ќе биде произведена и извезена на глобално ниво од компанијата КјурВак од Тибинген, во партнерство со концернот Баер. Но, ќе биде можно таа да се направи директно во клиниките ширум светот. Елон Маск (втор од лево) демонстрираше мобилен печатач на вакцини создаден од германската сестринска фирма Тесла Громан.
Фотографија: picture-alliance/dpa/T. Schwarz
Санофи: два неуспеха и помош за Европска унија
Француската компанија Санофи е еден од најголемите светски производители на вакцини. Но, овојпат тоа не и' успеа - двапати: ни заедничкиот развој со британската ГлаксоСмитКлајн, ниту обидот за создавање иРНК вакцина досега не дадоа резултати. За да помогне во обезбедувањето на вакцини за земјите од ЕУ, нејзината фабрика во Франкфурт на Мајна ќе произведе 125 милиони дози од вакцината на Фајзер.
Фотографија: C. Stoll/Sanofi
10 фотографии1 | 10
Научниците работат на комбинирана вакцина
Идеално би било ако може да се да добие вакцина против Ковид-19 и грип со една инјекција. Големите фармацевтски концерни се натпреваруваат да развијат ваква вакцина.
Во САД, вакцината базирана на таканаречената мРНК-технологија доби „статус на брза патека“ од американската ФДА. Тоа значи дека развојот и воведувањето на таква вакцина на пазарот се смета за многу важно и затоа може да се забрза.
Овој „статус на брза патека“ ѝ беше даден на мРНК вакцината од компаниите Фајзер и Бионтек. Сега треба да се спроведе студија во трета фаза, која е важна за давање дозвола за употреба.
Добри резултати покажуваат и студиите спроведени од конкурентската компанија Модерна, тврдат од концернот. Модерна се надева дека ќе добие дозвола да ја користи својата комбинирана вакцина во 2025 година.
Реклама
Една вакцинација против три болести
Истражувањето и развојот на вакцина која ќе заштити од Ковид-19, грип и РСВ оди чекор понатаму. Вакцината РСВ штити од респираторниот синцицијален вирус, кој го напаѓа респираторниот систем и има симптоми слични на настинка. Кај бебињата и малите деца, респираторниот синцицијален вирус често предизвикува акутен бронхитис.
Вакцината против РСВ во моментов може да се добие само поединечно. Американската здравствена институција ЦДЦ не гледа причина зошто вакцината против тие три болести не може да се даде во една инекција. ЦДЦ смета дека нема потреба да се чека некое време по примањето на некоја од вакцините против овие три болести.
Бројот на заразени со Ковид повторно расте
Експертите се загрижени поради тоа што премалку луѓе се вакцинираат. Причината може да биде тоа што многумина едноставно се уморни од вакцинирање, тоа што Ковид-19 исчезна од свеста на многумина и се чини дека опасноста е многу далеку.
Но, ординациите повторно се преполни со луѓе кои кашлаат и на кои им тече на носот. Не секогаш се работи за коронавирусот, може да се работи и за грип или за обична настинка.
#dw_BalkanBooster: Да се вакцинирам или не, прашање е сега!
02:00
This browser does not support the video element.
Оние кои се всушност заразени со коронавирусот често страдаат од овие симптоми до две недели. Настинките, меѓутоа, ретко се развиваат, за да мора заболените да завршат во болница.
Ризичните групи сè уште се изложени на ризик
Особено, на ризичните групи им се советува да се вакцинираат против Ковид-19 и грип. Ризичните групи вклучуваат, на пример, луѓе на возраст над 60 и повеќе години или луѓе со коронарна срцева болест или висок крвен притисок. Но, во ризичните групи спаѓаат и пациентите со хроничен бронхитис или хронични заболувања на црниот дроб, како и дијабетичарите. Децата и младите кои имаат основна болест која може да предизвика развој на други болести сè уште се сметаат за особено ранливи.
Лекарите предупредуваат дека коронавирусот и грипот не треба да се потценуваат. Покрај вакцинацијата, може да помогнат и некои други мерки, кои се речиси заборавени. Во некои болници и ординации во Германија повторно е воведена обврската за носење маска. И на јавни места, луѓето со маски повторно сѐ повеќе се гледаат, кои така се штитат себеси или другите од инфекции со коронавирусот.
