Белорускиот престедател Алескандар Лукашенко, по повеќедневни шпекулации околу неговата здравствена состојба и наводен престој во болница, се појави во централната команда на воената авијација. На три фотографии објавени од претседателскиот кабинет во Минск, Лукашенко може да се види во воена униформа, со уморен израз на лицето и завој на левата рака. 68-годишниот белоруски претседател објави дека воените сили ќе бидат ставени во состојба на готовност.

Лукашенко рече дека неговата земја „морала да реагира“ по „соборувањето на четири авиони“ во рускиот регион Бријанск, која се наоѓа меѓу Белорусија и Украина. Во саботата (13.05) на руските онлајн мрежи се појавија слики од неколку паднати авиони во областа Бријанск, од кои на едната е прикажан хеликоптер кој наводно бил погоден од проектил и се запалил. Руските власти досега потврдија само „пад“ на хеликоптер, без да наведат детали.

Украинската воена авијација тврди дека руската противвоздушна одбрана самата ја соборила својата техника и дека од небото се соборени два, а не еден хеликоптер. Според наводи од Киев, борбените авиони требало да бидат употребени за нови напади врз Украина.

Лукашенко, кој е на функција од 1994 година, пред да ја посети воената авијација последен пат беше виден во јавност на парадата по повод годишнината од советската победа над нацистичка Германија. Минатата недела, меѓу другото, откажа и оброк со рускиот претседател Владимир Путин и други состаноци. Портпаролот на Лукашенко не го коментираше отсуството, а во Москва, портпаролот на Кремљ, Дмитри Песков, вчера рече дека новинарите треба „да им веруваат само на официјалните информации“.