Јован ја имал првата естетска интервенција на 20-годишна возраст. Мотив му била љубопитноста, и секако - убавината:

 
„Тогаш веќе почнав да се сликам пред камери, снимав емисии, па сакав кожата да ми биде посвежа и лицето поубаво. Тоа беше една од дополнителните причините за да го правам сето тоа“, вели 26-годишниот Јован од Србија. 

Веќе по првата интервенција, како што вели, станал „зависник“:

„Насекаде гледав мани... Она како: 'Аха, ова би можел уште малку, овде уште малку, би можел ова да го додадам, ова да го одземам...' И, така тоа одеше во круг.“

По 3 години редовни интервенции - решил да престане:

„Не ја гледам целта на тоа, мислам дека ова  што го гледам е прилично убаво, така што сега не би менувал ништо дополнително на себе и не би правел драстични промени.“
 

 Вања користи ботокс од својата 24 година - како превенција од стареење:

„Ставив ботокс на челото, т.е. над веѓите, и тука, по линијата на косата. Она што ме поттикна е што ги видов првите знаци на стареење и некако не ми се допадна, ми беше интересно и достапно, па така почнав“, раскажува 25-годишната девојка. 

 
Ботоксот го обновува секои 9 месеци и нема намера да престане да го користи:

„Лично, никогаш не сум се соочила со некаков вид на стигма, ниту во семејството ниту во опкружувањето, но ако беше многу забележливо, мислам дека ќе наидев на неа.“