Руската противвоздушна одбрана, според наводи од Москва, шести ден по ред успеала да собори украински беспилотни летала при нивнинапади врз регионот на главниот град. Ноќеска се соборени два дрона, додека трет удрил во солитер кој уште е во изградба, соопшти градоначалникот на Москва, Сергеј Собјанин преку онлајн мрежата Телеграм.

На третиот дрон му е уништен системот за навигација, јавува државната новинска агенција Тасс, повикувајќи се на извори од руското Министерство за одбрана. Зградата во која се забил третиот дрон се наоѓа во деловниот центар на градот со бројни висококатници и е „лесно оштетена“, но нема жртви, се вели во извештајот.

Поради нападите со дронови, привремено бил прекинат авионскиот сообраќај на трите московски аеродроми – Домодедово, Шереметјево и Внуково. Според германската новинска агенција ДПА, авионскиот сообраќај во меѓувреме се нормализирал.

И вчера (22.08.2023) руската противвоздушна одбрана успеала да одбие повеќе напади со украински дронови, како што тврди Министерството за одбрана на Русија,а ни тогаш немало мртви или повредени.

Бербок не гледа повреда на меѓународното право

Германската министерка за надворешни работи Аналена Бербок во врска со украинските напади со дронови изјави: „Русија ја нападна Украина. Русија бомбардира цивилни цели во Украина без воздржување, силоси со жито, болници, цркви. А Украина се брани во рамките на меѓународното право.“

Владата во Киев не се изјаснува далинападите врз Москва со дронови се украински.

САД не поддржуваат или овозможуваатнапади на руска територија,изјави пак портпарол на американското Министерство за надворешни работи во врска со случајот. Но, додаде тој, Украина самата одлучува како сака да се брани против руската инвазија, а Русија може во секој моментда стави крај на војната со тоа што би се повлекла од Украина.