1. Прескокни до содржината
  2. Прескокни до главната навигација
  3. Кон други страници на DW
ТероризамФранција

Напад со нож во училиште во Франција

агенции | ЕМФ
13 октомври 2023

Маж вооружен со нож уби наставник во училиште во Арас, во северна Франција. Во нападот тешко се повредени уште еден наставник и еден надзорник.

Напад со нож Арас Франција
Полиција пред училиштето во Арас, Франција, каде што се случил нападотФотографија: Denis Charlet/AFP/Getty Images

Во нападот што денеска (13.10) го изврши маж вооружен со нож во училиште во Арас, на северот од Франција, убиен е еден наставник, а тешко повредени се уште еден наставник и едно лице задолжено за надзор. Повредени ученици нема. Сторителот, според агенциски извештаи, при нападот извикал „Алах е голем“.

Францускиот министер за внатрешни работи Жералд Дарманин соопшти дека сторителот е уапсен. Во моментов во тек е полициска операција во Арас, напиша Дарманин на онлајн платформата X.

Францускиот претседател Емануел Макрон треба да замине за Арас, соопшти Елисејската палата. Во Арас треба да пристигне и министерот Дарманин. Премиерката Елизабет Борн ја откажа посетата на Орлеанс и се врати во Париз.

Полицијата ги повика граѓаните да не објавуваат слики или видеа на онлајн платформите од почит кон семејствата на жртвите. Позадината на злосторството засега е нејасна. Нападот ги буди сеќавањата во Франција на убиството на учителот Самуел Пати, кој беше жртва на џихадистички мотивиран напад во 2020 година.

Прескокни го блокот Тема на денот

Тема на денот

Прескокни го блокот Повеќе теми