Неколку лица се повредени во напад врз синагога во Манчестер. Полицијата во британскиот град соопшти дека, според извештаите на очевидци, автомобил удрил во група луѓе, а еден маж бил избоден со нож. Според досегашните сознанија, во нападот се повредени четири лица. Состојбата на жртвите засега не е позната.

Полицајците успеале да го сопрат осомничениот напаѓач пукајќи во него, соопшти полицијата. Градоначалникот на Манчестер, Енди Барнам, за Би-Би-Си оцени дека станува збор за сериозен инцидент. Сепак, се чини дека непосредната опасност е избегната откако полицијата реагирала многу брзо. Градоначалникот Барнам за радио Би-Би-Си додаде и дека се верува оти напаѓачот починал, но тоа сè уште не е потврдено. Инцидентот во Манчестер се случи на најголемиот еврејски празник, Јом Кипур.