Нападот со нож на станицата Гар ду Нор, според француските медиуми, се случил изутринава околу 6:40 часот. Полицијата го совладала напаѓачот со употреба на оружје и го уапсила, се вели од полициски кругови. Причините за нападот, во кој се повредени шест лица, засега се непознати.

Францускиот министер за внатрешни работи Жерал Дарманин на Твитер напиша: „Им благодарам на безбедносните сили за нивната ефикасна и храбра реакција“. Министерот пишува дека напаѓачот бил брзо „неутралзииран“.

Според Обвинитлеството, напаѓачот по повеќе истрели од страна на безбедносните сили е префрлен во болница и е во животна опасност.