По увидот на терен, од ЦУК укажуваат дека десетина мостови се во лоша состоба и претставуваат опасност за граѓаните. Општините немаат доволно средства за да ги санираат
Стаклата низ кои се поминува на пешачкиот мост „Око“ во центарот на Скопје се испукани, но надлежните тврдат дека мостот е стабилен. Фотографија: Unbekannt
Реклама
Стаклата низ кои се поминува на пешачкиот мост „Око“ во центарот на Скопје се испукани, но надлежните тврдат дека мостот е стабилен. Загрижувачка е состојбата и со уште десетина мостови во земјата, каде што Центарот за управување со кризи (ЦУК) извршил проверки изминатиот период на терен, при што е утврдено дека дел од нив се ризични и небезбедни за граѓаните. Општините се пожалиле дека немаат средства за санирање на дел од мостовите, со оглед на проценките дека се потребни над 300 илјади евра за санација. Првиот човек на ЦУК, Стојанче Ангелов денеска упати апел до надлежните институции да помогнат да се санираат оштетените мостови, а граѓаните да пријавуваат секаде каде што ќе забележат некој проблем.
„Не газете по пукнатините“
Иако надлежните тврдат дека мостот „Око“ е стабилен, сепак надлежните предупредуваат да не се гази по пукнатините коишто се појавиле на стаклото поставено на мостот. Ангелов, вели дека е алармиран Град Скопје, коишто тврделе дека стаклата по што поминуваат граѓаните се безбедни.
„Ни рекоа дека работат на нивна замена. Не е лошо граѓаните да не газат по пукнатините, иако од Градот укажуваат дека нема да се скршат“, рече Ангелов.
Небезбедни се уште десетина други мостови низ државата, вели Ангелов, но и општините немаат толку средства за да ги санираат.Фотографија: Unbekannt
Кои мостови се ризични?
Небезбедни се уште десетина други мостови низ државата, вели Ангелов, но и општините немаат толку средства за да ги санираат.
„На еден од столбовите на мостот кај село Ларци, има вертикална пукнатина која се одразува на стабилноста на мостот. Преку овој мост минуваат голем број граѓани кои низ него одат да ги работат своите земјоделски површини“, вели Ангелов.
Ризичен е и мостот на реката Пчиња, кај селото Пчиња, кој се наоѓа во исклучително лоша состојбаФотографија: Unbekannt
Ризичен е и мостот на реката Пчиња, кај селото Пчиња, кој се наоѓа во исклучително лоша состојба. „Градоначалникот на Куманово, Максим Димитриевски по нашиот апел веднаш интервенираше. Се направи стручно мислење кое вели дека мора да се санира или да се сруши и изгради нов, а овој треба да се забрани за користење на возила. Исто така, опасен е мостот кај Визбегово“, рече Ангелов.
Алармантна е состојбата и на мостот во близина на село Секирник кај реката Струмица. „Столбот целосно е паднат во вода, еден столб нема“, велат од ЦУК.
Извршена била и посета на три моста кај Крива Река. „Има еден импровизиран мост тоа се диви мостови не се изработени со градежна дозвола граѓаните сами ги правеле и сите три се небезбедни“, вели Ангелов.
Тој апелираше до граѓаните ако констатираат какво било оштетување на мостовите да го пријават на бројот 112.
Мостови и објекти кои се урнаа
Мостовите се спектакуларни градби. Но, тие може да предизвикаат и драматични катастрофи. Конструкции во мизерна состојба има секаде во светот. Нивното уривање чини многу животи.
Фотографија: picture-alliance/C. Contreras
Мостот Чирахара, Колумбија
Мостот Чирахара требаше да поврзува два тунела. Но, кога во јануари 2018 година требаше да се поврзат два дела од мостот, се случи несреќа. Се урна еден од столбовите. Загинаа девет лица. Причина за уривањето беше грешка во конструкцијата. Од истата причина беше акутно загрозен од уривање и друг дел од мостот. Затоа мостот беше урнат со експлозив во јули 2018.
Фотографија: picture-alliance/C. Contreras
Мостот Студенка, Чешка
Кога се урна на 8 август 2008 година, работниците само што имаа почнато со санација на мостот Студенка. Во моментот на уривањето еден воз беше упатен во насока на градилиштето. Машиновозачот се обидел да кочи, но било предоцна. Возот се втурна во урнатините со брзина од 120 км на час. Сѐ уште до крај не е разјаснето зошто се урна мостот, но познато е дека конструкцијата имала повеќе недостатоци.
Фотографија: picture-alliance/dpa/V. Galgonek
Мостот Мисисипи, САД
Мостот долг 581 метри поврзуваше два кварта на Минеаполис. Автомобилите возеа по осум ленти над реката Мисисипи. Неколку дена пред уривањето на мостот почна негова санација. Слободна беше само една лента. Сепак, уривањето на мостот среде сообраќаен шпиц, на 1 август 2007 година, однесе 13 човечки животи. Причина за уривањето - грешка во контрукцијата.
Фотографија: picture-alliance/dpa/L. Smith
Зградата Сампун, Јужна Кореја
Зградата Сампун во Сеул се урна за само неколку секунди. Во уривањето на стоковната куќа, на 29 јуни 1995 година, животот го загубија над 500 лица. Причина: не се почитувале градежни прописи, конструкцијата не била добра и се применувале несоодветни градежни материјали.
Фотографија: picture-alliance/Yonhap
Зградата Рана Плаза, Бангладеш
Една од најголемите трагедии е уривањето на осумкатницата „Рана Плаза“ во Бангладеш, на 24 април 2013 година, кога животот го загубија 1135 луѓе. Само еден ден претходно било утврдено дека зградата има пукнатини, а полицијата забранила пристап до објектот. Но, до тоа се држеле малкумина. Во уривањето загинаа пред сѐ текстилни работнички од фабрика сместена во објектот.