На луѓето на југот на Европа им претстои екстремно топол викенд. На многу места се очекува температурите да надминат 40 Целзуисови степени. Ќе биде ли надминат рекордот од 48,8 степени?
Ектремни горештини во Италија: Човек во Неапол, Италија се прска себеси со вода од црево, во обид да се разладиФотографија: Ciro De Luca/REUTERS
Реклама
Топлотен бран зафати делови од јужна Европа, а се прогнозира дека во наредните денови ќе бидат забележани рекордни температури и екстремни горештини, кои го загрозуваат и здравјето и животот на луѓето.
Се очекува температурите да надминат 40 Целзиусови степени во делови од Шпанија, Франција, Грција, Хрватска, Турција, но и Северна Македонија. Според Европската вселенска агенција ЕСА на викендот би можеле да бидат достигнати највисоките температури, кои некогаш биле измерени во Европа. ЕСА прогнозира температури од околу 48 Целзиусови степени на италијанскиот остров Сицилија.
Топлотен бран во западна Европа: Последица на климатските промени?
Германија и западна Европа се погодени од топлотен бран со високи температури. Некогаш невообичаени, ваквите топлотни бранови и други екстремни појави станаа редовни. Како климатските промени се одразуваат во Европа?
Фотографија: picture-alliance/S. Ziese
Рекордни топлотни бранови
Во летото 2019 година се забележани топлински рекорди низ целиот европски континент. Во јули, во Германија беше измерена највисоката температура досега од 42,6 Целзиусови степени. Франција го урна својот рекорд на горештина двапати во 2019 година, со највисока измерена температура од 46 Целзиусови степени во јули. Климатските промени ја зголемуваат фрекфенцијата на топлотните бранови.
Во ноември 2019 година, италијанскиот град архипелаг Венеција доживеа повеќе поплавувања и високо ниво на водата од 1,5 метри, кое беше достигнато трипати во една недела, за прв пат во историјата. Прогнозираното покачување на нивото на морето како резултат на климатските промени може во иднина да ги направи овие настани уште почести.
Фотографија: Getty Images/AFP/M. Medina
Шумски пожари во Шпанија
Истиот топлотен бран што донесе рекордни температури во Франција ги предизвика најлошите шумски пожари кои ја погодија Шпанија во последните 20 години. На шпанскиот остров Гран Канарија, пожарите во август го уништија националниот парк на популарниот туристички остров. Повисоките температури и сувиот воздух како резултат на климатските промени го зголемуваат ризикот од пожари.
Фотографија: Reuters/B. Suarez
Германските шуми изумираат
Комбинацијата од суша, невреме и екстремна топлина ги осиромашува германските шуми. Според БДФ, група за заштита на шумите, во Германија, повеќе од 1 милион дрва умреле од 2018 година. „Ова веќе не се поединечни невообичаени временски настани. Ова се климатските промени“, вели претставник на БДФ.
Фотографија: picture-alliance/dpa/T. Frey
Исчезнуваат глечерите на Алпите
Глечерот на италијанската страна на Мон Блан доживеа забрзано топење во 2019 година. И ентузијастите одржаа „погреб“ за глечерот Пизол на швајцарските Алпи, кој речиси целосно исчезна. Научниците велат дека климатските промени го забрзуваат топењето на глечерите на Алпите.
Фотографија: AFP/F. Coffrini
Сушата влијае врз производството на храна
Сушата во Германија две години по ред силно ги погоди земјоделците. Во 2018 година, рекордната суша предизвика големи загуби кај земјоделските култури, а топлотните бранови во 2019 година, дополнително ги оштетија земјоделските култури. „Климатските промени значат почести суши и екстремни временски услови во Германија“, изјави потпретседателот на германската служба за временски услови Паул Бекер.
Фотографија: picture-alliance/dpa/S. Hoppe
6 фотографии1 | 6
Токму на Сицилија, поточно во близина на градот Сиракуза е регистрирана и досега највисоката температура во Европа од 48,8 степени и тоа во август 2021 година.
И во цела Италија температурите би можеле да достигнат до и преку 40 степени, а црвено предупредување е издадено за 10 градови, меѓу кои се Фиренца и Рим.
Топлотниот бран „Кербер“, именуван од Италијанското метеоролошко друштво по троглавото чудовиште на грчката митологија опишано и во Пеколот на Данте, се прогнозира дека ќе предизвика екстремни услови во текот на наредните неколку дена. Температури над 40 степени наредниот викенд се очекуваат во Грција, Кипар и во западните делови од Турција, а во Атина уште утре температурата ќе надмине 41 степен.
Уште едно скопско изгор лето
03:52
This browser does not support the video element.
Повеќе од 60.000 луѓе починаа во Европа како последица од горештините во минатата година. Се стравува дека овој топлотен бран може да предизвика уште многу смртни случаи летово.
Топлотен бран е период во кој температурите се повисоки од очекуваните за тој период од годината. Експертите велат дека периодите на екстремно топло време се сѐ почести и оти поради климатските промени рекордните температури се нормални.
