Унгарскиот премиер Виктор Орбан денеска (26.02) побара од ЕУ „мисија за утврдување факти“ за да се процени штетата на нафтоводот „Дружба“ во Украина и сугерираше дека тоа би можело да помогне во деблокирањето на ЕУ-средствата за Украина, покажува писмо во кое увид имала агенцијата Ројтерс.

„Унгарија ја поддржува идејата за мисија за утврдување факти со учество на експерти делегирани од Унгарија и Словачка за да се потврди состојбата на нафтоводот ‘Дружба’“, пишува Орбан во писмо до претседателот на Европскиот совет, Антонио Кошта, во кое увид имал Ројтерс.

Орбан наведува дека е свесен за политичките тешкотии предизвикани од одложувањето на големиот кредит на ЕУ за Украина. „Мојата иницијатива исто така има цел да го олесни навременото решавање на ова прашање“, се наведува во писмото.

Унгарија оваа недела ги блокираше новите санкции против Русија и заемот за Украина, како одговор на прекинот на испораките на нафта преку „Дружба“. Украина соопшти дека нафтоводот сè уште не е поправен по оштетувањата предизвикани од руски напади кон крајот на јануари.