Папата Франциско ја искористи божиќната миса во базиликата Свети Петар за да упати итен апел за мир во светот. Поглаварот на Римокатоличката црква вчеравечер (23.12) потсети на божиќната порака: „Мир на луѓето на Земјата“.

Во врска со војната на Блискиот Исток, папата додаде: „Нашите срца вечерва се во Витлеем, каде Принцот на мирот повторно е отфрлен од логиката на војната осудена на пропаст, од буката на оружјето.“

Во молитвата пред околу 6500 верници, папата не ги спомна ниту Израел ниту Појасот Газа, но зборуваше многу за насилството и војната. Бог не ја победува неправдата „одозгора со насилство, туку одоздола со љубов“, опомена тој.

Денеска папата Франциско од балконот на базиликата Свети Петар ќе го даде благословот „Урби ет Орби“ (за градот и светот, н.з.)