Повеќемина повредени во напад во Дуизбург
18 април 2023![Нападот се случил во фитнес студио во центарот на Дуизбург](https://static.dw.com/image/65365416_800.webp)
Нападот, според полициски наводи, се случил во фитнес студио во старото градско јадро на Дуизбург. Портпарол на полицијата наведе дека има повеќемина повредени и дека граѓаните би требало да го избегнуваат тој дел од градот.
Во меѓувреме полицијата на Твитер напиша дека има најмалку четири тешко повредени лица. Засега нема официјални информации за бројот на напаѓачи, а не се познати ниту мотивите за нападот.
Весникот „Билд“ пишува дека полицијата поаѓа од претпоставка дека се работи за напад во кој напаѓачот или напаѓачите поради бес, психичко пореметување или незадоволство убиваат случајни жртви. Според информации на весникот, напаѓачот или напаѓачите се сѐ уште во бегство.
Радио-телевизијата ВДР јави дека станува збор за двајца напаѓачи кои напаѓале со нож посетители на фитнес студиото.