Израел добил список со имињата на тројцата заложници кои во сабота треба да бидат ослободени од  паленстинската милитантна група Хамас во Појасот Газа. Израел го разгледува списокот и ги информира семејствата на погодените, соопшти кабинетот на премиерот Бенјамин Нетанјаху.

Хамас го потврди ова и ги објави имињата на тројцата израелски заложници кои треба да бидат ослободени во сабота како дел од договорот за прекин на огнот во војната во Појасот Газа.

„Како дел од договорот за размена на затвореници, Офер Калдерон, Кит Самуел Зигел и Јарден Бибас ќе бидат ослободени во сабота“, рече Абу Убеида, портпарол на палестинската група.

Калдерон имал 52 години кога бил киднапиран од Кибуц Нир Оз заедно со неговиот син Ерез, кој тогаш имал 11 години, и неговата ќерка Сахар, која имала 16 години. Ерез и Сахар беа ослободени за време на првиот прекин на огнот во ноември 2023 година.

Сигел, израелско-американски државјанин, бил однесен од неговиот дом во Кибуц Кфар Аза. Неговата сопруга Авива, која беше киднапирана со него, беше ослободена во ноември 2023 година како дел од краткотрајниот договор за прекин на огнот меѓу Израел и Хамас.

Бибас бил киднапиран од Кибуц Нир Оз заедно со неговата сопруга Шири и двата сина Кфир и Ариел. Кфир имал само девет месеци кога бил киднапиран и е најмладиот заложник.

Во рамки на првата фаза од договорот, која трае 42 дена, 33 израелски затвореници ќе бидат ослободени во замена за ослободување меѓу 1.700 и 2.000 палестински затвореници од израелските затвори.

Хамас во четвртокот ослободи тројца Израелци и пет Тајланѓани во Газа, додека Израел ослободи 110 палестински затвореници. Тоа беше трета размена од ваков вид откако договорот стапи на сила на 19-ти јануари.