Армијата на Израел соопшти дека нејзини војници ги пронашле телата на шестмина заложници на милитантно исламистичкиот Хамас за време на ноќна операција во јужниот крајбрежен град Кан Јунис. Станува збор за шестмина мажи. Нивните семејства, како што се вели, веќе се известени. Според извештаи на медиумите, петмина од мажите се на возраст меѓу 35 и 80 години. Неколкумина веќе претходно беа прогласени за мртви од страна на армијата. Сите биле живи кога во моментот кога биле киднапирани.

Според израелската евиденција, Хамас сега во свои раце има уште 109 заложници, од кои многумина веројатно веќе не се живи. За ослободување на преостанатите заложници се преговара и во текот на разговорите за постигнување прекин на огнот во Појасот Газа.

Терористите на Хамас на 7 октомври мината година киднапираа 253 луѓе од Израел. Дел од нив беа ослободени со размена на затвореници, а неколкумина беа ослободени во акции на израелската армија.