Протести во Бугарија против украинското жито
18 септември 2023![Bulgarien Protest der Landwirte am 18. September 2023](https://static.dw.com/image/66843149_800.webp)
Земјоделците во Бугарија блокираат автопати во знак на протест против увоз на украинско жито. Се протестира и на патиштата кои водат до граничните премини кон Романија и Грција. Протестите се предизвикани од укинувањето на петмесечната забрана за увоз на украински житни производиво Бугарија.
Земјоделците стравуваат од конкуренција, односно увоз на поевтини производи. Тие бараат Бугарија, слично како Полска, Унгарија и Словачка, и натаму да забранува увоз на пченица, сончоглед, пченка и маслодајна репка од Украина.
Освен тоа, бараат и забрана за увоз на масло за јадење, овошје и зеленчук, млеко и млечни производи, месо и мед од Украина. Демонстрантите се закануваат дека утре (19.09) со своите земјоделски машини ќе ја блокираат Софија.
Бугарскиот премиер Николај Денков во врска со протестите на земјоделците вчера изјави дека „нема да преговара со терористи“.