Шпанија синоќа извести за првиот смртен случај поврзан со мајмунските сипаници. Шпанското министерсво за здравство соопшти дека заразеното лице кое починало било од регионот на Валенсија, но не наведе дополнителни детали. Ова е прв познат случај во Европа, од моменталната епидемија, втора надвор од Африка.

Во Шпанија во моментов се потврдени 4.298 случаи. Според податоците на министерството 120 лица се во болница, односно 3,2 отсто од заразените.

Првиот смртен случај надвор од Африка неколку часа претходно беше пријавен во Бразил. Според наводи на тамошното министерство за здравство станувало збор за 41-годишно лице од Бело Хоризонте, кое имало ослабнат имунитет.

Првите смртни случаи надвор од Африка доаѓа помалку од 7 дена откако Светската здравстена организација (СЗО) прогласи епидемија од највисок степен со мајмунските сипаници. Досега СЗО изнесе податоци за 5 смртни случаи во Африка.

Иако мајмунските сипаницисо децении наназад се забележани во делови од централна и западна Африка, сѐ до мај годинава не се знаеше дали ќе предизвикаат голема епидемија надвор од овој континент или се шират меѓу луѓето.

Мајмунските сипаници припаѓаат на семејството вируси во кои се и големите сипаници.

Оваа болест обично има благи и умерени симптоми, вклучувајќи треска, умор и болни лезии на кожата кои се повлекуваат во рок од неколку недели.

Според податоците на СЗО, смртноста од мајмунските сипаници, од првиот случај откриен на почетокот на 1970-тите години во Конго, била до 11 отсто, а во последно време варира меѓу 3 и 6 насто.

Претходно СЗО соопшти дека во светот се пријавени над 180.000 случаи со мајмунски сипаници во 78 земји, кои во најголемиот дел се во Европа.