Германија: Уапсени осомничени поддржувачи на Исламска држава
СН/агенции
31 мај 2023
Поради основано сомнение дека собирале донации за терористичката организација Исламска држава, по налог на Сојузното обвинителство во Германија, уапсени се седум лица. Големата рација била спроведена во неколку покраини.
Над 1000 припадници на службите за борба против криминалот учествувале во големата рација, јавуваат германските медиумиФотографија: Marius Bulling/Ostalb Network/picture alliance
Реклама
Терористичката милиција Исламска држава (ИД) сѐ уште војува, меѓу другото, и во Сирија. За ова се собираат пари и во Германија. Германските правосудни органи сега се чини успеаја да им зададат удар на помагачите на ИД шурум земјата.
Седум осомничени поддржувачи на џихадистичката милиција Исламска држава се уапсени во неколку сојузни покраини. Како што соопшти Сојузниот обвинителство во Карлсруе, претреси имало и во 19 имоти во Берлин, Баварија, Бремен, Баден-Виртемберг, Хамбург, Хесен, Рајнска област-Пфалц, Тирингија, Долна Саксонија и Северна Рајна-Вестфалија и во Холандија.
Терористичката организација Исламска држава и натаму е активна во Сирија (архивска фотографија)Фотографија: Dabiq/Planet Pix via ZUMA Wire/ZUMAPRESS/picture alliance
Во големата рација против осомничената мрежа на финансиери на Исламска држава беа вклучени повеќе од 1.000 припадници на Сојузната и на засегнатите покраински служби за борба против криминалот и на полицијата.
Терористички активности финансирани од донации?
Според информациите од обвинителството, четири од апсењата биле извршени во покраината Северна Рајна-Вестфалија, а по едно во Баден-Виртемберг, Рајнланд-Пфалц и во Бремен. Највисокото обвинителство во земјата ги товари уапсените - главно германски државјани - за поддршка на терористичка организација.
Што всушност претставува „Исламска држава“?
„Исламска држава“, покрај разорувањата во Ирак и Сирија, во вестите често се наоѓа и поради нејзината бруталност. Што е ИД и колку е моќна? Во продолжение ви претставуваме одговори на најчесто поставуваните прашања.
Што е „Исламска држава“?
Се смета дека „Исламска држава“ е фракција од терористичката организација Ал Каеда, т.е. сунитска милитантна група, за која се верува дека е формирана како одговор на недовербата и фрустрациите од неуспешното владеење на владите во Сирија и Ирак. На нивното знаме пишува „Мухамед е пророкот на Бог“ и „Нема друг бог освен Алах“ - фрази со кои се согласуваат сите муслимани, не само „ИД“.
Фотографија: AP
Каде е активна „Исламска држава“
Целта на „Исламска држава“ е формирање на „калифат“ - држава каде се почитуваат традиционалните вредности на исламот и шеријатското право. Поради нестабилноста на регионите во Сирија и Ирак, „Исламска држава“ успеа да освои и да стави под своја контрола тероитории во двете држави.
Што ја прави „Исламска држава“ различна?
Клучна разлика е бруталноста на „Исламска држава“ со која се влева страв кај противниците и цивилите - преку егзекуцијата со обезглавување и бруталното насилство. Лидерите на „ИД“ велат дека владеат со регионите кои ги освојуваат. Експертот за Средниот Исток, Шади Хамид за ПБС изјави: „Тие нудат социјални услуги. Управуваат со локалната власт. Обезбедуваат минимално ниво на право и поредок“.
Фотографија: gebphotography - Fotolia.com
„ИД“ во однос на останатите терористички организации?
„ИД“ е активна во Сирија и Ирак, но нигериската терористичка организација Боко Харам неодамна ја изрази својата поддршка. Тоа е како натпревар во суровост: додека Боко Харам е одговорна за 13.000 смртни случаи, „ИД“ е одговорна за најмалку 24.000 повредени или убиени. Ал Каеда се дистанцираше од „ИД“, а една од нејзините фракции наречена Нусра Фронт се бори против „ИД“.
Фотографија: Getty Images/A. Katib
Кои се следбениците на „Исламска држава“?
Нешто по кое се разликува „ИД“ се нејзините следбеници. Повеќе од 20.000 странски борци се придружија на групата, од кои повеќе од 4.000 доаѓаат од западна Европа и северна Америка. На сликата се прикажани државите од каде што потекнувааат најголемиот дел на борците. Најголем број борци - споредено со вкупниот број на жители на земјите, доаѓаат од мали земји како Шведска и Белгија.
Што преземаат западните влади против „Исламска држава“?
Од август 2014 година, коалиција предводена од САД спроведува воздушни напади против цели на „ИД“ во Сирија (1.422 напади) и Ирак (2.242 напади). Некои влади исто така беа активни во рамките на нивните држави: Германија ќе процесуира најмалку 30 осомничени милитанти кои се вратиле од Сирија, додека Саудиска Арабија уапси 93 осомничени милитанти во април 2015 година.
6 фотографии1 | 6
Според информациите на новинската агенција ДПА, причина за рацијата е основаното сомнение за собирање средства за осомничени поддржувачи на терористичката милиција ИД. Четирите жени и тројцата уапсени мажи се товарат дека преку донации ги поддржувале терористички активности на Исламска држава.
