Руската домашна разузнавачка агенција (ФСБ) го обвини протераниот критичар на Кремљ, Михаил Ходорковски, за заговор за државен удар и покрена кривична постапка против него. Тој е обвинет за основање „терористичка организација“ за преземање на власта со сила, објави ФСБ во вторник. Ходорковски, поранешниот шеф на „Јукос“ и олигарх и некогаш најбогатиот човек во Русија, и неколку членови на Антивоениот комитет на Русија, кој претходно беше класифициран како непожелна организација, планирале пуч, соопшти денеска прес-службата на ФСБ.  Михаил Ходорковски помина десет години во затвор под обвинение за измама. Тој и многу западни држави ги опишаа обвиненијата како политички мотивирани.  Во 2013 година, Ходорковски беше помилуван и ја напушти  Русија.  Оттогаш, тој поддржуваше неколку групи кои се спротивставуваат на рускиот претседател Владимир Путин.