САД сакаат да обелоденат тајни документи за коронавирусот
СН/агенции
21 март 2023
Повеќе од три години по почетокот на пандемијата, потеклото на коронавирусот сè уште не е конечно разјаснето. Џо Бајден сега потпиша закон со кој се дозволува објавување на информациите на тајните служби за вирусот.
Фотографија: Evan Vucci/AP/picture alliance
Реклама
Американскиот претседател, Џо Бајден, синоќа изјави дека потпишал закон кој дозволува укинување на доверливоста на документите за потеклото на коронавирусот, кој прво се појави во Кина.
„Мораме да дојдеме до потеклото на пандемијата на коронавирусот за да можеме подобро да ги спречиме идните пандемии. Мојата администрација ќе ја укине ознаката за тајност и ќе објави што е можно повеќе информации, почитувајќи ја националната безбедност“, изјави Бајден.
Текстот кој го предложи републиканската опозиција на крајот е добро прифатен меѓу демократите и едногласно го изгласаа во Претставничкиот дом, каде конзервативците се мнозинство.
Ова е уште поинтересно бидејќи темата за пандемијата длабоко ја подели американската јавност и во однос на вакцинацијата и во врска со рестриктивните мерки.
Директорот на федералната полиција, Кристофер Вреј, неодамна изјави дека несреќа во лабораторија во Вухан, Кина, е „многу веројатно“ причината за пандемијата на коронавирусот, по слична претпоставка која претходно ја изнесе американското Министерство за енергетика.
Вухан: Една година по избувнувањето на пандемијата
На крајот на 2019 се појавија првите извештаи а на почетокот на 2020 кинескиот град Вухан стана озлогласен како прво жариште на коронавирусот во светот. Како е сега таму, една година потоа?
Фотографија: Aly Song/REUTERS
Рамо до рамо на преполните пазари
Вухан беше во карантин околу 11 недели откако стана првото глобално жариште на коронавирусот. До средината на мај 50.000 од 80.000 од официјалните случаи на заразата во Кина беа во Вухан. Но, сега животот речиси е вратен во „нормала“ на преполните улични пазари во градот.
Фотографија: Aly Song/REUTERS
Танцување на улиците
За време на карантинот, на жителите не им беше дозволено ниту да ги напуштат своите домови. Сега, тие дури можат да танцуваат заедно во парковите. Според новинската агенција Ројтерс, таму веќе со месеци нема локално пренесување на вирусот.
Фотографија: Aly Song/REUTERS
Нулта точка на коронавирусот?
Зеленчук, риба и месо - дури и диви животни - сето тоа се продаваше на овој покриен пазар. Но, тој ги затвори портите на 1 јануари 2020 година, откако започна да се шири мистериозното заболување на белите дробови и неговото потекло беше пронајдено на пазарот. Научниците сè уште не ја утврдија точната улога на пазарот во ширењето на вирусот, ако воопшто имаше улога.
Фотографија: Getty Images/AFP/N. Celis
Егзистенцијата на рестораните е изложена на ризик
Пред пандемијата, Лаи Јун поголемиот дел од производите за неговиот јапонски ресторан ги купувал во покриениот пазар. „Ги испраќав децата на училиште, појадував, а потоа одев на пазар“, вели 38-годишникот. Од повторното отворање во јуни, тој морал да оди на друго место - а некои од состојките сега чинат петпати повеќе. „Наша цел за наредната година е едноставно да преживееме“, вели тој за ДВ.
Фотографија: Aly Song/REUTERS
Нема повеќе свежа стока
Иако пазарот на приземјето сè уште е затворен, вториот кат е повторно отворен. Но, поголемиот дел од продавниците продаваат очила и други специјализирани производи за оптичари. „Некои луѓе можеби имаат чудно чувство, но сега е само празна зграда“, вели за ДВ една од продавачките, која не сакаше да го каже своето име.
Фотографија: Aly Song/REUTERS
Продавачите се префлија на улиците
Од затворањето на пазарот, некои луѓе почнаа да продаваат месо и друга свежа стока на улиците. Дури и ако продавачите носат маски и ракавици, некои велат дека условите не се во согласност со одредени хигиенски стандарди. Во екот на пандемијата на коронавирусот покриениот пазар беше критикуван поради лошите здравствени и санитарни прописи.
Фотографија: Aly Song/REUTERS
Кловн без маска- заштитна
Повеќето жители на Вухан носат маски на јавни места, особено затоа што коронавирусот не е исчезнати имала одреден број нови случаи на други места во Кина. „Многу луѓе почнаа да складираат маски, средства за дезинфекција и друга заштитна опрема“, изјави за ДВ, 29-годишниот учител по англиски јазик Јен.
Фотографија: Aly Song/REUTERS
7 фотографии1 | 7
Затоа Светската здравствена организација побара од Американците да ги објават своите информации.
Научната заедница сè уште е поделена меѓу поддржувачите на хипотезата за пренесување на вирусот од животни и оние кои ја бранат тезата за „бегството на вирусот“ од лабораторија во Вухан.