САД: Шефот на „Чувари на заклетвата“ виновен за заговор
СН/агенции
30 ноември 2022
Основачот на екстремно десничарската американска милиција „Чувари на заклетвата“ е осуден за неговата вмешаност во упадот на американскиот Капитол во 2021 година. Стјуарт Роудс беше обвинет дека ковал заговор.
Судски цртеж направен за време на сведочењето на Стујарт Роудс за време на процесот против него во ВашингтонФотографија: Dana Verkouteren/AP Photo/picture alliance
Реклама
Првиот човек на ултрадесничарската група „Чувари на заклетвата“, Стујард Роудс, е осуден за организиран заговор за да се поништи победата на демократот Џо Бајден на претседателските избори во САД.
Поротата во Вашингтон го осуди Роудс за виновен за побуна по тридневно разгледување во речиси 9 месечното судење, кое покажа напори на екстремно десничарската група по секоја цена да го задржи републиканецот Доналд Трамп во Белата куќа.
Случајно си пукал во лице со сопствениот пиштол - Роудс оттогаш носи прекривка на едното окоФотографија: Susan Walsh/AP/picture alliance
Роудс е ослободен од обвинение за останатите две точки, кои се однесуваа на наводен заговор.
Тој не влегол во зградата на американскиот Конгрес на 6 јануари 2021 година, но е обвинет дека водел заговор кој започнал набрзо по изборите во 2020 година да се започне вооружена побуна за да се запре преносот на претседателската власт.
Како течеше упадот на поддржувачите на Трамп во Капитол
Доналд Трамп, сѐуште актуелен претседател, долго ги подбуцнуваше своите најверни симпатизери. Последица: некои од нив на 6.01.2021 упаднаа во срцето на американската демократија.
Фотографија: Leah Millis/REUTERS
Создавање набој
Бројот на фанатични поддржувачи на Трмап пред Конгресот во САД растеше преку цел ден. Во почетокот, полицијата успеваше да одржува ред.
Фотографија: Olivier Douliery/AFP/Getty Images
Први судири
Паралелно со заедничката седница на двата дома на Конгресот, Сенатот и Претставничкиот дом, на која требаше официјално да биде потврдена победата на Џо Бајден на претседателските избори, пред Капитол се собираа приврзеници на поразениот претседател Доналд Трамп. Дојде до први судири со полицајците кои требаше да го обезбедуваат Конгресот.
Фотографија: Stephanie Keith/REUTERS
Преслаб кордон
Сѐ поразјарената толпа сакаше да продре во Капитол. Полицајците се обидуваа да ги спречат. На некои агресивни поддржувачи на Трамп им успеа да влезат во зградата.
Фотографија: Win McNamee/Getty Images
Упад во Капитол
Дел од демонстрантрантите успеаја да продрат длабоко во зградата, дури до вратите на Сенатот.
Фотографија: Win McNamee/Getty Images
Одбрана на последниот бастион
Обезбедувањето се обидуваше да ги држи во „шах“ насилниците во влезната хала. Политичарите во Сенатот низ задна врата беа изведени на безбедно место.
Фотографија: Manuel Balce Ceneta/AP Photo/picture alliance
Еден се проби
Во меѓувреме, еден од приврзениците на Трамп успешно се проби покрај полицајците и упадна во Сенатот. Од трибината за посетители тој скокна во пленарната сала.
Фотографија: Win McNamee/Getty Images
Со пиштоли спремни за пукање
Истите слики се повторуваа во другите крила на Капитол. И Претставничкиот дом беше цел на натрапниците. Припадниците на обезбедувањето на Конгресот ги запираа - со вперени пиштоли.
Фотографија: J. Scott Applewhite/AP Photo/picture alliance
Непријателско преземање?
Симпатизерите на Трамп навлегуваа сѐ подлабоко во зградата, сѐ до ходниците со канцелариите на Конгресот. Таму некои се распослаа на работните маси на пратениците.
Фотографија: Saul Loeb/AFP/Getty Images
Надвор од контрола
Еден од натрапниците го „присвои“ и пултот за говор на претседателката на Претставничкиот дом, Ненси Пелоси и со него се шеташе низ Капитол. Никој не го запре.
Фотографија: Win McNamee/Getty Images
Во засолниште
Пленарните сали беа евакуирани. Некои побараа засолниште во галеријата на Претставничкиот дом. Репортерите сведочеа дека биле поделени гас-маски, како заштита од солзавец.
Фотографија: Andrew Harnik/AP Photo/picture alliance
Солзавец врз Конгресот
На силите на безбедноста не им остана ништо друго освен да ја растурат разулавената толпа, употребувајќи солзавец.
Фотографија: Andrew Caballero-Reynolds/AFP/Getty Images
Засилувањето го оконча хаосот во Капитол
Полициските сили добија засилување, Националната гарда поита во помош, а градоначалничката на Вашингтон воведе полициски час до раните утрински часови. Така во Вашингтон ноќта полека се врати мирот.
Фотографија: Spencer Platt/Getty Images
12 фотографии1 | 12
Пресудата претставува важен посредник за американското Министерство за правда и најверојатно ќе го отвори патот за обвинителството да оди со полна пареа во претстојните судења на другите екстремисти од побуната.
Пресудата веројатно ќе ги охрабри истражителите чија работа се прошири понатаму од истрагата за лицата кои го нападнаа седиштето на американскиот Конгрес. Тие ќе се насочат и на други лица поврзани за обидите на Доналд Трамп да ги поништи резултатите на претседателските избори 2020.
Користејќи десетици шифрирани пораки, снимки и видео надзор, обвинителите го потврдија обвинението дека Роудс набрзо по изборите во 2020 година започнал да подготвува вооружена побуна за да го запре преносот на власта.
Над 20.000 гардисти ќе ја обезбедуваат инаугурацијата на Бајден
02:08
This browser does not support the video element.
За време на 7 недели сведочење, поротата слушна како Роудс ги повикал своите симпатизери да се борат да го одбранат Трамп, оти разговарал за изгледите за „крвава“ граѓанска војна и предупредувал дека „Чуварите на заклетвата“ ќе мораат, можеби, и „да тргнат во побуна“ да го поразат Џо Бајден ако Трамп не делува.
Покрај Роудс за виновна е прогласена и Кели Мегс, лидер на гранката „Чувари на заклетвата“ во Флорида. Три лица се ослободени од такво обвинение.
