За време на неговиот прв претседателски мандат,  Доналд Трамп водеше кампања против ТикТок. Еден ден пред да ја преземе функцијата во вторпат, на кинеската социјална мрежа, поради безбедносни причини, и се заканува забрана во САД. Но, сега, новоизбраниот претседател на САД интервенира во спорот со сосема поинаков мотив. 

Тој имено го повика Врховниот суд на САД да ја запре имплементацијата на федералниот закон за ТикТок кој би довел до забрана на популарната социјална мрежа или до присилна продажба, и рече дека како претседател ќе бара „политичко решение“ за проблемот.

ТикТок и неговиот сопственик БајтДенс се борат како да ја задржат популарната апликација достапна во САД откако Конгресот гласаше за забрана во април, освен ако кинеската матична компанија не го продаде ТикТок до 19 јануари.

Тие побараа укинување на тој закон, а Врховниот суд се согласи да го разгледа случајот.

Меѓутоа, доколку судот не пресуди во корист на БајтДенс и продажбата не се случи, апликацијата би можела да биде забранета во САД на 19 јануари, еден ден пред Трамп да ја преземе функцијата.

„Овој случај претставува невидена, нова и сложена тензија помеѓу правото на слобода на говор, од една страна, и загриженоста за надворешната политика и националната безбедност, од друга“, рече Трамп во петокот.

Трамп на почетокот на неделата укажа дека ја поддржува дозволата ТикТок да продолжи да работи во САД барем некое време, истакнувајќи дека имал милијарди прегледи на социјалната мрежа за време на неговата претседателска кампања.

Американското Министерство за правда тврди дека кинеската контрола врз ТикТок претставува постојана закана за националната безбедност.

ТикТок тврди дека Министерството за правда погрешно ги претставило врските на социјалната мрежа со Кина, аргументирајќи дека нејзиниот алгоритам за препораки за содржини и корисничките податоци се зачувани во САД на облак сервери управувани од Оракл, додека одлуките за модерирање на содржините кои влијаат на американските корисници, исто така, се носат во САД.