„Од почетокот на годинава бележиме скок на бројот на клиенти за 50%“, вели претседателот на Сојузот на организациите Тафел, Јохен Брил за весникот „Рајнише пост“. Во моментов организациите Тафел имаат околу два милиони клиенти. Истовремено, донациите во храна се намалени.

„Околу една третина од организациите Тафел се толку преоптоварени, што мора да работат со пауза во распределбата на храна“, додава Брил и нагласува дека за оние кои се ангажираат за сиромашните претставува големо псиихчко оптоварување кога мора да враќаат такви лица без да им дадат помош.

Според него, „луѓето имаат големи егзистенцијални стравови и грижи во врска со тоа како ќе купат храна и ќе ги покријат сметките за домување и греење“, но Тафел не може да го надополни „она што не ѝ успева на државата“.

Државната помош, потенцира Брил, е „недоволна“ и доаѓа предоцна. „Луѓето кои доаѓаат во Тафел немаат резерви. На сиромашните луѓе им е потребна брза помош“, вели Брил и апелира за солидарност во општеството: „Ние сме богата земја, можеме да успееме сите луѓе да ја минат добро зимата.“

- повеќе: Колку пари се потребни за добар живот во Германија?

Ширум Германијаоколу 960 Тафел-организации им делат на сиромашните храна која веќе не може да се продава, но на која рокот на употреба не ѝ е истечен.