Севернокорејскиот властодржец Ким Јонг Ун, според државните медиуми, во текот на викендот предводел воени маневри за „симулирање на атомски контранапад“. Вежбата, воедно, е и предупредување до Вашингтон и Сеул.
Фотографијата објавена од државните медиуми во Северна Кореја најверојатно го покажува еден од најновите ракетни тестовиФотографија: KCNA/KNS/dpa/picture alliance
Реклама
Војската на Северна Кореја изведе нуклеарни воени вежби со кои се симулира нуклеарен контранапад на САД и на јужна Кореја, а вежбите ги надгледувале севернокорејскиот лидер Ким Јонг Ун и неговата ќерка.
Вежбите вклучувале лансирање на проектили од краток дострел, но необично е тоа што една ракета била испукана од закопан силос, што може да помогне во зголемување на брзината и на стабилноста во идните тестови со интерконтинентални балистички ракети.
Набљудување на севернокорејската воена вежба: Ким Џонг Ун (во средината) и неговата ќерка (лево)Фотографија: KCNA/KNS/dpa/picture alliance
Севернокорејската државна агенција КЦНА, пренесе дека вежбите се осмислени за да ја засилат „способноста на одвраќање од војна и нуклеарен противнапад“, со тврдење дека Вашингтон и Сеул прават „експлицитен обид за започнување војна“ против Северна Кореја.
„Вежбата имаше за цел да ја покаже нашата цврста волја да дадеме вистински воен одговор и да испратиме предупредување до непријателот кој ги проширува своите агресивни воени вежби“, пренесува КЦНА.
Повик на готовност на војската
Порано месецов, Јужна Кореја и САД извршија заеднички воздушни и морски воени вежби во кои учествуваа и американски бомбардери Б-1.
Агенцијата додава и оти за време на вежбите балистичка ракета опремена со лажна нуклеарна боева глава прелетала 800 километри пред да ја погоди целта според сценариото за тактичкиот нуклеарен напад.
За што е способна севернокорејската армија?
Северна Кореја повторно го привлекува вниманието на светската јавност. Тестирањето на интерконтиненталните ракети наидува на остри критики. Земјата има една од најголемите армии во светот. Но, продолжува да се вооружува
Фотографија: Reuters/KCNA
Меѓу најбројните армии во светот
Севернокорејската армија има 700 илјади војници и околу 4,5 милиони резервисти. Речиси секој петти жител на земјата е во војска. Сите мажи во комунистичкиот режим мораат да учествуваат во воената обука. Поради тоа, Северна Кореја има двојно повеќе војници од соседната Јужна Кореја.
Фотографија: Getty Images/AFP/E. Jones
Различни воени орудија
Според податоците наведени во Глобалниот индекс за вооружување, Северна Кореја во 2017 година располага со 76 подморници, 5.025 тенкови и 458 борбени авиони. На оваа фотографија од 2013 година, лидерот Ким Јонг Ун е сликан во командната централа на армијата.
Фотографија: picture-alliance/dpa
Воена парада
Севернокорејскиот режим секоја година ја демонстрира својата сила на воена парада во главниот град Пјонгјанг. Парадите воглавно се одржуваат за време на некој важен јубилеј на комунистичката земја или семејството Ким.
Фотографија: picture-alliance/dpa/KCNA
Интерконтинентални ракети
САД во четвртокот потврдија дека Северна Кореја успешно тестирала балистичка интерконтинентална ракета. Ракетата од типот „Хвасонг- 14“ е во состојба да ја погоди секоја цел во светот, јави државната новинска агенција КЦНА.
Фотографија: Getty Images/AFP/KCNA
Атомските проби продолжуваат
И покрај острите санкции, Северна Кореја продолжува со својата атомска програма. Само во 2016 година беа извршени пет нуклеарни проби. Јужнокорејскиот министер за одбрана Хан Мин Ко смета дека соседот наскоро ќе го изврши и шестиот тест.
Фотографија: picture-alliance/dpa/KCNA
Закана за светскиот мир
Кина и Русија се единствените земји кои се водат како сојузници на Северна Кореја. Режимот за главен непријател ја смета „империјалистичката сила САД“. Меѓу непријателите уште спаѓаат и Јужна Кореја и Јапонија.
Фотографија: Reuters/K. Hong-Ji
Крај на трпението?
По тестирањето на интерконтиненталните ракети на американското трпение му дојде крајот. Претседателот на САД, Доналд Трамп сака да најде решение со своите сојузници од Г20. Кина и Русија, во секој случај, сакаат да спречат американски напади врз воени цели во Северна Кореја.
Фотографија: picture-alliance/Zumapress/M. Brown
7 фотографии1 | 7
Севернокорејскиот претседател, Ким Јонг Ун, рече дека вежбите ги унапредиле воените способности на војската и повика таа да биде подготвена за секој „непосреден и надмоќен нуклеарен противнапад во кој било момент“.
„Сегашната ситуација, во која непријателите стануваат сѐ поизразени во своите потези на агресија врз Демократска Народна Република Кореја, од нас итно бара експоненционално да зголемиме одвраќање од нуклеарна војна“, рече тој.
