Телевизијата Си-Ен-Ен известува за сомнежи во врска со претстојната средба меѓу претседателот Доналд Трамп и рускиот претседател Владимир Путин. Повикувајќи се на извори во кабинетот на американскиот претседател, Си-Ен-Ен објавува дека очекуваната подготвителна средба меѓу американскиот министер за надворешни работи Марко Рубио и неговиот руски колега Сергеј Лавров засега нема да се одржи. Причината за одложувањето е нејасна. Еден од инсајдерите, според Си-Ен-Ен, вели дека постојат разлики околу патот кон завршување на војната во Украина.

Рубио и Лавров, сепак, неделава може повторно да разговараат телефонски. Во понеделникот (20.10) двајцата имаа телефонски разговор што Русија го опиша како конструктивен.

Руското Министерство за надворешни работи засега нема коментар за случувањата околу планираната средба на Трамп и Путин. Подготвителната средба меѓу двајцата министри за надворешни работи се смета за клучен чекор кон средба на двајцата претседатели. Трамп и Путин во телефонски разговор се согласија за средба во Будимпешта.