Скулптури од метален отпад
![](https://static.dw.com/image/69245377_605.webp)
This browser does not support the video element.
„Ако знаеш како да го направиш, можеш од сѐ да направиш уметност“, вели младиот скулптор Озбек Ајваз, во чија гаража, претворена во ателје, металните отпадоци добиваат нов живот:
„Често одам по отпад и знам да собирам нешта. Ако е фрлено на улица, знам да го земам. Металот, кое било парче да е, дали е шраф, профил или згужван лим, по некоја скица и идеја добива друга димензија и нов живот.“
Студирал вајарство, а љубовта кон уметноста му се развила од средно училиште. Со своите метални скулптури, често се осврнува на теми со општествено значење.
„Последното поголемо дело што го имам изработено е во чест на жените бегалки од Украина. Јас ја создадов жената борец со штит која се чува себеси и пораката гласеше - во војната нема победници. Скулптурата беше интерактивна и претставуваше поддршка кон сите бегалки кои бегаат од војната, покажувајќи дека нема место за дискриминација“, вели Озбек Ајваз.
„Саксофонистот“ и „Тешкото" поставени во Скопје, се неговите најпознати скулптури. Следната скулптура, како што вели, ќе ја посвети на борбата против дезинформациите.