Иван Коциќ од Белград веќе осум години прави мозаици. Користи вајарска техника која се нарекува асемблаж:

„Дојдов на идеја да користам играчки, затоа што се во живи бои, нема потреба да се интервенира на нив што се однесува до обликот и бојата, а од друга страна укажувам и на неопоходноста од рециклажа. Знаеме дека се рециклира пластичната амбалажа, а играчките се страшен загадувач“, вели Иван.

Тој внимателно ги бира играчките по облик и боја: „Посебно ми е драго кога ќе наидам на Трансформерси, како еден голем дел од моето детство.“

Сите играчки се донација од родителите и нивните деца. Но, уметникот прифаќа само играчки со кои децата веќе не играат.