... и веднаш прекрши многу стереотипи. Жена од источна Германија без политички „врски“ која прво се проби на чело на Христијанско-демократската унија (ЦДУ) а потоа стана канцеларка. Оттогаш двапати по ред беше повторно избрана на функцијата. Германската писателка Јули Цех дури и посвети и една театарска претстава под наслов „Мама“

Кој тогаш би помислил дека Ангела Доротеа Казнер еднаш ќе стане најмоќна жена во светот? Грижливост, содржајност, воздржаност, со двете нозе на земја- малата Ангела израсна во протестантско семејство во градот Темплин во покраината Бранденбург. Нејзиниот татко е пастор а мајката дома ги чува Ангела и двете помлади деца.

Бабата Грета и дедото Лудвиг со нивниот син Хорст Казмирчак- таткото на Ангела. Да, не е грешка: Казмирчак. Семејството живее во Познањ, а подоцна се сели во Берлин и дури во 1930. година го менува името во Казнер. Кога во 2013. година се прошири глас за полските корени на германската канцеларка тоа предизвика големо внимание, посебно во Полска.

Ангела одеше на училиште во Бранденбург. Кампувањето и одморот во Химелфорт во 1973. година навистина го заслужи бидејжи во сведителството имаше само најдобри оценки. Посебно се истакнуваше во предметите -руски јазик и математика. За време на школувањето била и членка на тогашната социјалистичка младина ФДЈ.

Меркел започна студии по физика во Лајпциг а потоа работи во Академијата за науки на ГДР во одделението за хемија каде положи и докторски испит. Тогаш го запозна и својот прв сопруг Улрих Меркел. Тој деенс се сежава на Ангела која ја запамтил како „срдечна, отворена и природна девојка“, Ангела со задоволство патува, како тука ( на фотографијата) во Прага.

„ Еден ден се спакува и се исели од нашата соба голема 10 квадратни метри. Ја зеде машината за перење алишта а јас го задржав мебелот“, раскажуваше нејзиниот поранешен сопруг. Потоа стана политички активна, прво како членка на „Демократското будење“ а потоа и на ЦДУ. Со тоа во нејзиниот живот влегува нов човек, шефот на партијата и нејзин ментор Хелмут Кол.

Меркел добро го подготви својот пат: Во 1990. станува пратеничка во Бундестагот. Канцеларот Хелмут Кол ја поставува за министерка за жени и млади, иако некогашната граѓанка на ГДР нема добри врски во ЦДУ и нема ни искуство. Четири години подоцна во новиот кабинет на Кол станува министерка за животна средина, задолжена и за безбедноста на атомските реактори.

На предлог на новиот претседател на ЦДУ , Волфганг Шојбле, Меркел во 2001. стана генерален секретар на партијата а четири години подоцна во 2005. и претседателка. Во 2009. ЦДУ победи на изборите и Меркел стана прва жена канцеларка- на големо жалење на Герхард Шредер кој сакаше да остане на должноста.Под нејзино раководство ЦДУ силно се помести кон политичкиот центар и стана помалку конзервативна.

Политичкиот свет на мажите го држи добро на око. Како лидер на европската „економска локомотива“ за време на финансиската криза го крена гласот и се заложи за германските интереси. критичарите во земјата и приговорија дека премногу тактизира и оти и недостасуваат јасни зборови , особено кога станува збор за аферата со американската тајна служба, НСА.

Со Путин не е. Односите меѓу Ангела Меркел и Владимир Путин и пред кризата во Украина не беа најдобри, како што беше случај меѓу нејзиниот претходник Герхард Шредер и рускиот претседател. Но Путин и оддава големо признание и двајцата мжат добро да разговараат и на германски и на руски јазик. Но дали притоа и се разбираат?

Светската политика во сигурни раце на неговата сопруга, а Јоахим Зауер може да ги исполни своите обврски како „прва дама“. Со вториот сопруг Меркел се венчаше во 1989. година, уште пред нејзиниот политички подем. Тој е професор по физичка и теоретска хемија и има два сина од првиот брак. Зауер инаку се труди да избегнува настапи во јавноста.

Она што за други е Белата куќа или Елисејската палата за брачната двојка Меркел-Зауер е стан во центарот на Берлин. На Енџи не ѝ е потребно многу. Соседите ја сретнуваат во продавница на каса, бидејќи и натаму пазари сама. И му готви на сопругот, како што правела и порано.

Годишните одмори со задоволство ги минува на италијанскиот остров Ишија. Таму со сопругот оди на пешачење и на пливање. А како љубителка на скијачкото трчање, редовно може да се види и на скијачките патеки.

Меркел ретко може да се види во издание како ова на опера во Осло. На тогашниот премиер на Норвешка, Јенс Столтенберг очигледно му се допадна нејзиниот изглед. како љубителка на класична музика, често може да се види на Вагнеровите свечености во Бајројт.

На важните натпревари на германската репрезентација со задоволство присуствува на стадионите и навива. Потоа смее да го направи она за што многу можат само да сонуваат: да ги посети играчите во соблекувалната и, на пример, да направи еден „селфи“ со Лукас Подолски. Според последните анкети, 70 насто од Германците се задоволни или многу задоволни од својата канцеларка.

Меркел стана препознатлива по користењето на истата гестикулација пред камерите и при нејзините јавни настапи. Начинот на кој канцеларката ги спојува прстите на дланките некои го нарекоа „Меркелин ромб“, а други „триаголник на моќта“. Дали тоа го прави свесно или е само рутинска гестикулација од навика, е прашање што ги збунува современите критичари и новинари. Што таа сака да каже со тоа?

Германската канцеларка на европскиот политички паркет е позната по својот суверен, ангажиран и навидум опуштен изглед. Иако понекогаш знае да се насмее во вистинското време, на последниот европски лидерски самит во Братислава, таа беше повеќе воздржана. Од нејзината лева страна е данскиот премиер Ларс Локе, а од десната страна премиерот на Белгија, Шарл Мишел.

Меркел се најде во центарот на вниманието со нејзиниот одговор на бегалската криза. На дилемите околу тоа може да се одговори доколку предвид се земат елементи од нејзиниот личен живот, како што тоа го прави Ринке во својата книга. Таа често посетува училишта и прифатни центри за бегалци, а притоа одвојува време и за селфи, како овде, во 2015 година, со сирискиот барател на азил Анас Модамани.

Како канцеларка и претседателка на ЦДУ, Меркел понекогаш се соочува со потешкотии да остане обѕирна кон сите нејзини „деловни“ партнери. Таа не реагира чувствително како што тоа го прави нејзиниот коалиционен партнер Зигмар Габриел од СПД. На нападите од лидерот на баварската ЦСУ, Хорст Зехофер кој е „архетипичен баварец“, таа одговара со студена објективност.

За школуваниот физичар Ангела Меркел се вели дека светот на интернетот и дигиталните медиуми ѝ е релативно непознат, иако нејзиниот тим сега има Инстаграм профил, кој го одржува нејзиниот официјален фотограф. Сепак, тоа не ја сопре да го зграби вниманието на основачот на Фејсбук Марк Закерберг за време на работен ручек во Обединетите нации во 2015 година.

Како ќерка на протестантски свештеник, вредностите на Меркел, според Ринке, биле обликувани согласно нејзиното христијанско воспитување. Во 2016 година, таа имаше приватна средба со папата Франциско во Ватикан. За време на средбата тие разговарале за нивните омилени книги.

Меркел не е позната по тоа дека често се опушта. Сепак, иако ретко поради нејзините работни обврски, прославите на кои учествува таа се организирани со стил. Во 2013 година, во чест на 50-годишнината од склучувањето на Елисејскиот договор меѓу Германија и Франција, Меркел го покани целиот парламент да наздрават со шампањ за пријателските односи помеѓу двете земји.

Канцеларката добива малку слободни моменти за одмор, а и кога е на одмор, како што е прикажано на сликата (во Полска), таа не може да им избега на љубопитните очи на јавноста. Нејзиниот сопруг Јоахим Зауер (на фотографијата прв од лево) ретко е во центарот на вниманието.