Шведска: Избран нов премиер со поддршка на десните популисти
17 октомври 2022![Улф Кристерон е нов шведски премиер](https://static.dw.com/image/63461522_800.webp)
Парламентот во Стокхолм денеска го потврди изборот на Улф Кристерсон како шеф на малцинска влада. Конзервативната партија ќе владее заедно со социјалдемократите и либералите, а малцинската трипартитна влада ќе биде поддржана од деснопопулистичката партија Шведски демократи.
Новата шведска влада планира намалување на даноците, изградба на нови атомски централи, зајакнување на полицијата и потврд пристап против криминалитетот на бандите во земјата. Една од клучните точки на новата влада ќе биде и ограничување на миграцијата преку рестриктивен курс, тема која особено „им лежи“ на Шведските демократи, од чии аспект досегашната доселеничка политика е виновна за престрелките и пораст на криминалитетот на бандите. Шведските демократи на парламентарните избори во средината на септември годинава станаа втора политичка сила во земјата.