По неговиот профил на Твитер, поранешниот американски претседател Трамп ги добива назад и своите профили на Фејсбук и Инстаграм. Сепак, не е јасно дали републиканецот ќе го искористи тоа.
Доналд Трамп, своите погледи на светот, повторно ќе може да ги споделува на Фејсвук и на ИнстаграмФотографија: Mandel Ngan/AFP
Реклама
Компанијата Мета соопшти дека ќе му дозволи на поранешниот претседател на САД, Доналд Трамп, да се врати на Фејсбук и на Инстаграм, по двегодишна забрана за пристап на овие платформи.
Мета ќе му дозволи на Трамп да се врати „во наредните недели“, но „со нови заштитни огради, кои ќе спречат повторување на прекршоците“, напиша претседателот за глобални работи, Ник Клег.
„Како и секој друг корисник на Фејсбук или на Инстаграм, господин Трамп ќе подлежи на стандардите на нашата заедница“, напиша Клег.
Шефот на корпорацијата Мета, Марк Закерберг, му забрани на Доналд Трамп пристап до неговите онлајн платформи на две години.Фотографија: Eric Risberg/AP/picture alliance
Тој нагласи дека во случај ако Трамп објави содржини кои ги крашат правилата, тие ќе бидат отстранети и ќе биде суспендиран на период меѓу еден месец и две години, во зависност од тежината на кршење на правилата.
На Трамп му беа суспендирани профилите на Фејсбук и на Инстаграм од страна на платформата Мета по немирите во Капитол на 6 јануари 2021 година.
Иако е нејсно дали поранешниот претседател на САД повторно ќе почне да објавува на оваа платформа, во писмото кое неговиот штаб го испрати до Мета е навестено дека има желба да се врати.
Како течеше упадот на поддржувачите на Трамп во Капитол
Доналд Трамп, сѐуште актуелен претседател, долго ги подбуцнуваше своите најверни симпатизери. Последица: некои од нив на 6.01.2021 упаднаа во срцето на американската демократија.
Фотографија: Leah Millis/REUTERS
Создавање набој
Бројот на фанатични поддржувачи на Трмап пред Конгресот во САД растеше преку цел ден. Во почетокот, полицијата успеваше да одржува ред.
Фотографија: Olivier Douliery/AFP/Getty Images
Први судири
Паралелно со заедничката седница на двата дома на Конгресот, Сенатот и Претставничкиот дом, на која требаше официјално да биде потврдена победата на Џо Бајден на претседателските избори, пред Капитол се собираа приврзеници на поразениот претседател Доналд Трамп. Дојде до први судири со полицајците кои требаше да го обезбедуваат Конгресот.
Фотографија: Stephanie Keith/REUTERS
Преслаб кордон
Сѐ поразјарената толпа сакаше да продре во Капитол. Полицајците се обидуваа да ги спречат. На некои агресивни поддржувачи на Трамп им успеа да влезат во зградата.
Фотографија: Win McNamee/Getty Images
Упад во Капитол
Дел од демонстрантрантите успеаја да продрат длабоко во зградата, дури до вратите на Сенатот.
Фотографија: Win McNamee/Getty Images
Одбрана на последниот бастион
Обезбедувањето се обидуваше да ги држи во „шах“ насилниците во влезната хала. Политичарите во Сенатот низ задна врата беа изведени на безбедно место.
Фотографија: Manuel Balce Ceneta/AP Photo/picture alliance
Еден се проби
Во меѓувреме, еден од приврзениците на Трамп успешно се проби покрај полицајците и упадна во Сенатот. Од трибината за посетители тој скокна во пленарната сала.
Фотографија: Win McNamee/Getty Images
Со пиштоли спремни за пукање
Истите слики се повторуваа во другите крила на Капитол. И Претставничкиот дом беше цел на натрапниците. Припадниците на обезбедувањето на Конгресот ги запираа - со вперени пиштоли.
Фотографија: J. Scott Applewhite/AP Photo/picture alliance
Непријателско преземање?
Симпатизерите на Трамп навлегуваа сѐ подлабоко во зградата, сѐ до ходниците со канцелариите на Конгресот. Таму некои се распослаа на работните маси на пратениците.
Фотографија: Saul Loeb/AFP/Getty Images
Надвор од контрола
Еден од натрапниците го „присвои“ и пултот за говор на претседателката на Претставничкиот дом, Ненси Пелоси и со него се шеташе низ Капитол. Никој не го запре.
Фотографија: Win McNamee/Getty Images
Во засолниште
Пленарните сали беа евакуирани. Некои побараа засолниште во галеријата на Претставничкиот дом. Репортерите сведочеа дека биле поделени гас-маски, како заштита од солзавец.
Фотографија: Andrew Harnik/AP Photo/picture alliance
Солзавец врз Конгресот
На силите на безбедноста не им остана ништо друго освен да ја растурат разулавената толпа, употребувајќи солзавец.
Фотографија: Andrew Caballero-Reynolds/AFP/Getty Images
Засилувањето го оконча хаосот во Капитол
Полициските сили добија засилување, Националната гарда поита во помош, а градоначалничката на Вашингтон воведе полициски час до раните утрински часови. Така во Вашингтон ноќта полека се врати мирот.
Фотографија: Spencer Platt/Getty Images
12 фотографии1 | 12
„Веруваме оти забраната на налогот на претседателот Трамп на Фејсбук драматично го искриви и го инхибираше јавниот дискурс“, се наведува во писмото.
Трамп на објавата на Мета одговори со куса изјава на платформата Трут Соушал велејќи дека „такво нешто не би требало да му се повтори на актуелниот претседател“, но не наведе дали некогаш и кога ќе се врати на платформата.
