Речиси година и половина, специјална комисија на американскиот Конгрес го истражуваше упадот во Капитол и каква улога притоа одиграл поранешниот претседател. Сега е претставен завршниот извештај на над 800 страници.
Во Вашингтон беше претставен завршниот извештај на Истражната комисија на Конгресот за нападот врз Капитол на 6 јануари 2021 годинаФотографија: picture alliance/newscom
Реклама
Комисијата за истрагата за нападот врз Капитол го претстави завршниот извештај на 845 страници. Тој ги опфаќа сите сознанија до кои е дојдено во врска со случувањата на 6 јануари 2021 година. Со тоа е ставена точка на долгата истрага. Не се очекуваат нови откритија за позадината на нападот на Капитол или за улогата на поранешниот претседател Доналд Трамп.
Главно обвинение против Трамп е вмешаност во криминален „повеќеслоен заговор“, со цел да се поништат резултатите на претседателските избори одржани во 2020 година. Покрај тоа, како што се наведува, тој не ги спречил своите симпатизери да влезат во седиштето на Конгресот.
На својот последен состанок во понеделникот, членовите на комисијата, 7 демократски и 2 републикански конгресмени, препорачале поранешниот претседател Трамп да биде кривично гонет. Тие, меѓу останатото, го обвинуваат Трамп за поттикнување и помагање на бунтот, како и за попречување на официјалниот процес. Сѐ уште не е јасно дали Министерството за правда на САД ќе ја следи оваа препорака.
Како течеше упадот на поддржувачите на Трамп во Капитол
Доналд Трамп, сѐуште актуелен претседател, долго ги подбуцнуваше своите најверни симпатизери. Последица: некои од нив на 6.01.2021 упаднаа во срцето на американската демократија.
Фотографија: Leah Millis/REUTERS
Создавање набој
Бројот на фанатични поддржувачи на Трмап пред Конгресот во САД растеше преку цел ден. Во почетокот, полицијата успеваше да одржува ред.
Фотографија: Olivier Douliery/AFP/Getty Images
Први судири
Паралелно со заедничката седница на двата дома на Конгресот, Сенатот и Претставничкиот дом, на која требаше официјално да биде потврдена победата на Џо Бајден на претседателските избори, пред Капитол се собираа приврзеници на поразениот претседател Доналд Трамп. Дојде до први судири со полицајците кои требаше да го обезбедуваат Конгресот.
Фотографија: Stephanie Keith/REUTERS
Преслаб кордон
Сѐ поразјарената толпа сакаше да продре во Капитол. Полицајците се обидуваа да ги спречат. На некои агресивни поддржувачи на Трамп им успеа да влезат во зградата.
Фотографија: Win McNamee/Getty Images
Упад во Капитол
Дел од демонстрантрантите успеаја да продрат длабоко во зградата, дури до вратите на Сенатот.
Фотографија: Win McNamee/Getty Images
Одбрана на последниот бастион
Обезбедувањето се обидуваше да ги држи во „шах“ насилниците во влезната хала. Политичарите во Сенатот низ задна врата беа изведени на безбедно место.
Фотографија: Manuel Balce Ceneta/AP Photo/picture alliance
Еден се проби
Во меѓувреме, еден од приврзениците на Трамп успешно се проби покрај полицајците и упадна во Сенатот. Од трибината за посетители тој скокна во пленарната сала.
Фотографија: Win McNamee/Getty Images
Со пиштоли спремни за пукање
Истите слики се повторуваа во другите крила на Капитол. И Претставничкиот дом беше цел на натрапниците. Припадниците на обезбедувањето на Конгресот ги запираа - со вперени пиштоли.
Фотографија: J. Scott Applewhite/AP Photo/picture alliance
Непријателско преземање?
Симпатизерите на Трамп навлегуваа сѐ подлабоко во зградата, сѐ до ходниците со канцелариите на Конгресот. Таму некои се распослаа на работните маси на пратениците.
Фотографија: Saul Loeb/AFP/Getty Images
Надвор од контрола
Еден од натрапниците го „присвои“ и пултот за говор на претседателката на Претставничкиот дом, Ненси Пелоси и со него се шеташе низ Капитол. Никој не го запре.
Фотографија: Win McNamee/Getty Images
Во засолниште
Пленарните сали беа евакуирани. Некои побараа засолниште во галеријата на Претставничкиот дом. Репортерите сведочеа дека биле поделени гас-маски, како заштита од солзавец.
Фотографија: Andrew Harnik/AP Photo/picture alliance
Солзавец врз Конгресот
На силите на безбедноста не им остана ништо друго освен да ја растурат разулавената толпа, употребувајќи солзавец.
Фотографија: Andrew Caballero-Reynolds/AFP/Getty Images
Засилувањето го оконча хаосот во Капитол
Полициските сили добија засилување, Националната гарда поита во помош, а градоначалничката на Вашингтон воведе полициски час до раните утрински часови. Така во Вашингтон ноќта полека се врати мирот.
Фотографија: Spencer Platt/Getty Images
12 фотографии1 | 12
Сведок го обвинува Трамп за застрашување
Паралелно со конечниот извештај, Истражниата комисија објави и траскрипти на разговорите со сведоци, видео снимки и други доказни материјали. Од нив произлегува дека поранешната службеничка во Белата куќа, Кесиди Халинсон, ги обвинува блиските сорабоници на Трамп оти извршиле притисок во врска со сведочењето пред истражниот одбор.
„Колку помалку може да се сетите, толку подобро“
Како што тврди, од опкружувањето на Доналд Трамп ѝ биле понудени работа и финансиска поддршка - па, и за високи судски трошоци. За возврат од неа се барало да ја намали својата улога во Белата куќа и да остане лојална. Покрај тоа, нејзиниот адвокат Стефал Пасантини, кој во Белата куќа за време на Трамп беше советник за етички прашања, ја советувал да биде воздржана пред комисијата. „Колку помалку може да се сетите, толку подобро“, ја советувал Пасантини.
Над 20.000 гардисти ќе ја обезбедуваат инаугурацијата на Бајден
02:08
This browser does not support the video element.
Хачинсон, исто така, изјавила оти Трамп бил свесен дека би можело да дојде до насилство за време на нападот на Капитол. Според нејзините тврдења, Трамп во својата лимузина се конфронтирал со телохранителите од тајната служба кога се обидел да го фати воланот за да се одвезе до Капитол.
Трамп ги отфрли овие обвинувања и јавно ја навредуваше Кесиди Хачинсон.
