Граѓаните добија препораки, а државните институции конкретни задолженија како да заштедат. За оние кои нема да ги почитуваат владините насоки ќе следат казни. Целта е да се намали потрошувачката за 15 отсто.
Владата во пресрет на зимата донесе сет на препораки и задолженија за штедење на електрична и топлинска енергијаФотографија: picture-alliance/dpa/J. Woitas
Реклама
Владата, на предлог на Министерството за економија, во пресрет на зимата донесесет на препораки и задолженија за штедење на електрична и топлинска енергија. Целта е да се намали потрошувачката на електрична енергија за 15 отсто споредено со истиот месец минатата година. Ако не се почитуваат мерките следат казни. Тие ќе бидат на сила од 1 септември до 31 март 2023 година.
„Прогнозите се дека ќе имамеедна од најтешките зими на енергетски план во Европа. Со цел полесно да се справиме, за да имаме непречено снабдување со електрична енергија и пониски сметки за струја, Министерството за економија подготви план за заштеда на струја за безбедна зима“, вели министерот за економија Крешник Бектеши. Со мерки се опфатени и граѓаните, но и компаниите и државните и јавни институции.
Сет на препораки и задолженија
Мерките кои ги усвои Владата се поделени во повеќе категории во однос на тоа дали станува збор за поединци, компании или објекти во сопственост на државата. За домаќинствата и компаниите има само препораки, додека за институциите се предвидени конкретни задолженија. Целта е да постигне намалување на потрошувачката електрична енергија за 15 отсто споредено со истиот месец минатата година. Ако не се постигне ова ќе следат санкции за раководителите на институции кои ќе добијат задолжение да ја следат примената на овие мерки.
„Сите државни и јавни институции - министерствата, агенциите, органите на државната управа, треба да го исклучат декоративното осветлување на фасадите, да ја користат дневната светлина, клима уредите за ладење да не се користат на температура пониска од 27 степени, а за греење не повеќе од 20 степени“, вели Бектеши.
Исто така треба да се исклучуваат светлата кога ќе се напушти просторијата, да се исклучуваат компјутерите по работата, да се заменат старите сијалици со нови штедливи и јавните претпријатија да инсталираат колекторски систем за затоплување на вода. дел од препораките се однесуваат и за јавното осветлување - ќе треба да се намали осветлувањето на патиштата, а до ЗЕЛС се апелира за ваквите мерки да бидат информирани општините и да започнат со нивна примена.
Според Бектеши, ќе биде поставени раководители кои секој месец ќе имаат задолжение да поднесуваат извештај за потрошувачката на струја, но и споредба со истиот месец минатата година.
Како да штедите како Германците?
Корона-кризата ги анимира Германците да штедат како никогаш досега,покажуваат најновите статистики. А Германците, и без тоа, се светски шампиони во штедење. Кои трикови и методи ги користат за да заштедат пари?
Фотографија: Alexander Speckmann
Домашно сметководство
Контролирањето на вашите приходи и трошоци ви помага да спречите отворање финансиски дупки во вашиот личен или семеен буџет. Експертите советуваат да водите белешки на лист хартија или во Ексел-табела за фиксните месечни трошоци - како што се изнајмување, осигурување или рати за кредит. На овој начин лесно ќе дознаете колку ви останува за книги, облека и за забава.
Фотографија: Fotolia/photocrew
„Принцип на празна тегла“
Останатиот износ по одземањето на основните трошоци е полесно да се распредели ако го користите „принципот на празна тегла“. Тој ќе ви помогне да ги определите категориите на трошоци (материјали за обука, патувања, нова чанта, задоволства и сл.) и да им дадете приоритет. Првите преостанати средства треба да се искористат за пополнување на теглата резервирана за најважниот трошок.
Фотографија: Fotolia/PA
Разумно пазарување
Планирањето на пазарувањето може да ви помогне да избегнете спонтани набавки за кои подоцна може да зажалите. Ако влезете во продавница со список на потребни производи, ризикот да купите нешто непотребно е помал. Можете, исто така, да користите мобилни апликации за оваа намена. Исто е многу важно да не влегувате во продавница на празен стомак и да одвоите само ограничено време за пазарување.
Фотографија: picture alliance/chromorange
„Секонд-хенд“ производи
Користената облека можеби не е по сечиј вкус, но особено младите во Германија активно ги користат можностите на „секонд-хенд“ односно трговијата на користена стока. Учебниците се најпопуларни, но во универзитетите, на пример, има и огласни табли за користен мебел, лаптопи и дигитални фотоапарати, а на некои места се организираат пазари за користени велосипеди.
Фотографија: picture-alliance/dpa/S. Sauer
Разменска трговија
Германците мора да одат во продавница за да купат нова облека. Специјалните интернет страници за размена, како што се Tauschbörse.de или Kleiderkreisel.de, им помогаат да заштедат пари. Сепак, овој вид на шопинг носи дополнителни трошоци за испорака. Друг недостаток е тоа што не можете да ја вратите облеката ако се покаже дека е тесна или широка.
Фотографија: Colourbox
Споделување на храна
Споделувањето на храна заштедува не само природни ресурси, туку и пари. Порталите за т.н. споделување на храна нудат прехрамбени производи кои некој ги има вишок или имаат слаб комерцијален изглед. На ваков начин работат јавни фрижидери во некои градови во Германија.
Фотографија: DW
Поправи сам
Скршено тркало? Прегорен апарат? Цените на услугите за поправка во Германија се високи. Можете да заштедите многу пари ако посетите работилница како што е Кафулето за репарирање (Repair Cafe). Вработените ќе ви покажат како да внесете нов живот во оштетениот апарат. Сепак, постои еден услов: треба сами да го поправите, слушајќи ги нивните совети.