Пожарот во Нови Сад избил во текот на ноќта, околу три часот изутрина, изјави српскиот министер за внатрешни работи Ивица Дачиќ. Според претпоставките, загинатите шест лица, од кои четири деца на возраст од седум, пет, четири и две години, се членови на едно семејство.

Според изјави на лекар од службата за итна помош, жртвите веќе биле починати кога медицинскиот тим пристигнал на местото на пожарот. Министероот Дачиќ соопшти дека според првичните сознанија, постојат претпоставки дека пожарот го предизвиклал електричен скутер кој бил приклучен на електричната мрежа.