Истокот на Тајван беше погоден од силен земјотрес. Најмалку седум лица загинаа, а стотици се повредени. Сеизмолозите зборуваат за најсилниот земјотрес во регионот во последните 25 години.
Петкатна зграда во местото Хуалиен беше тешко оштетена од силниот земјотресФотографија: TVBS via AP/dpa/picture alliance
Реклама
Најмалку седум лица загинаа, а повеќе од 700 се повредени во силниот земјотрес кој денеска го погоди Тајван, гласат последните официјални информации на властите во островската земја. Над 70 лица, според овие информации се затрупани во урнатините предизвикани од потресот. Најголем дел од ќртвите настрадаа во округот Хуалиен, недалеку од епицентарот на земјотресот на истокот на островот.
Три лица загинаа на планинарската патека во Националниот парк Тароко, а четвртото во тунелот.
Повеќе од 50 луѓе се повредени, а некои се заробени во згради и во тунели во градот, соопшти пожарникарската служба. Повеќе згради во Хуалиен се урнаа.
Земјотресот беше под морето, со јачина од 7,4 степени според Рихтеровата скала, а е регистриран околу полноќ, соопшти Сеизмолошката служба на Соединетите држави.
Предупредувањата за цунами беа на сила за Тајван, Филипини и во Јапонија. Опасноста од цунами помина, но населението е во состојба на готовност за можни последователни потреси.
Регион подложен на чести потреси
Тајван редовно го потресуваат земјотреси бидејќи тектонските плочи се судираат во регионот. Во 1999 година се случи најсмртоносниот земјотрес во историјата на Тајван. Околу 2.400 луѓе загинаа во земјотресите со јачина од 7,6 степени.
Делумно разурната зграда во Хуалиен, источен ТајванФотографија: TVBS via AP/picture alliance
Секоја година во Јапонија се случуваат околу 1.500 земјотреси. Најсилниот земјотрес во земјата досега е забележан во март 2011 година со јачина од 9 степени на североисточниот брег на земјата. Ова предизвика цунами во кое загинаа или исчезнаа околу 18.500 луѓе.
Природната катастрофа, исто така, резултираше со откажување на системот за ладење во нуклеарната централа Фукушима Даичи, при што се случи топење на јадрото во три од шесте реактори.
Земјотреси кои го потресоа светот
Од големите земјотреси во Антиохија во 342 и 526 година, до денес, историјата памети огромни потреси кои неретко биле проследени и со гигантски цунами бранови во некои делови од светот.
Фотографија: picture-alliance/D. Nucci/NurPhoto
Катастрофален земјотрес во Турција и Сирија
Земјотресот со јачина од 7.8 степени кој ги погоди Турција и Сирија во раните утрински часови на 6 февруари 2023 година однесе илјадници животи и предизвика непроценлива материјална штета. Уништени се преку 2.800 згради во централна Турција и стотици во северозападна Сирија.
Фотографија: IHA/REUTERS
Централна Италија во рушевини
Последниот голем земјотрес во Европа се случи во централна Италија. Земјотресот кој удри на 24 август годинава однесе 256 животи, и остави повеќе од 40 илјади луѓе без покрив над главата.
Фотографија: picture-alliance/dpa/M. Gambarini
Лабрадорот Лео
Лабрадорот Лео беше поздравен од папата Франциско на 3 септември годинава за време на беатификацијата на Мајка Тереза. Лабрадорот стана инстант-херој откако во урнатините од земјотресот пронајде четиригодишно дете.
Фотографија: picture alliance/AP Images/L'Osservatore Romano
Танзанија
Земјотрес со јачина од 5,7 степени го погоди северозападниот регион на Танзанија на 10 септември годинава. Во катастрофата загинаа најмалку 16 луѓе, а 250 беа повредени.
Фотографија: Imago/Xinhua
Вежби за децата во Јапонија
Јапонија е екстремно трустно подрачје, и во минатото честопати беше погодувана од силни земјотреси. На 1 септември секоја година, кога се одбележува годишнината од големиот земјотрес од 1923 година, децата во основните училишта учествуваат во специјални вежби за заштита при земјотрес.
Фотографија: picture-alliance/dpa/M. Taga
Потрага по најблиските (Беичуан, Кина)
Мајка го оплакува својот син кој загина во катастрофалниот земјотрес кој ја погоди провинцијата Сичуан во Кина на 19 август 2008 година. Повеќе од 1,500 ученици и учители загинаа во земјотресот, кој севкупно однесе 69 илјади човечки животи.
Фотографија: Getty Images/China Photos
Катастрофата во Хаити
На 12 јануари 2010 година, Хаити беше погоден од катастрофален земјотрес со магнитуда од 7 степени. Над 200 илјади луѓе загинаа во природната катастрофа, а речиси три милиони луѓе беа погодени. Главниот град Порт-о- Принс беше срамнет со земја.
Фотографија: picture alliance/dpa
Земјотресот во Суматра
На 26 декември 2004 година разурнувачки земјотрес со јачина од 9,2 степени го погоди западниот брег на Суматра, во Индискиот Океан. Земјотресот и бројните цунами бранови кои се подигнаа како последица од него однесоа 230 илјади животи во 14 земји. Тоа е третиот најсилен земјотрес забележан во историјата и истовремено, удар со најдолго траење- меѓу 8 и 10 минути.
Фотографија: Getty Images/S. Platt
Музафарабад, Кашмир
Потресот чиј епицентар беше кај градот Музафарабад во Пакистан во октомври 2005 година опфати регион од 30 илјади квадратни километри. Во непосредната околина загинаа 84 илјади луѓе. Земјотресот беше со јачина од 7,6 степени.
Фотографија: AFP/Getty Images/F. J. Brown
Л' Аквила- земјотрес и одговорност
Земјотресот во Л'Аквила, во централна Италија од 6 април 2009 година, однесе 308 човечки животи. Бројни контроверзи следеа по катастрофата, откако 6 научници и еден државен службеник беа осудени на затворски казни поради тоа што не предупредиле на опасноста од земјотресот. Во 2014 година, пресудите на научниците им беа укинати.
