Најмалку четири лица загинаа при уривање на објектот на ресторан на плажа во областа Плаја де Палма јужно од главниот град Палма де Мајорка. Полицијата на медитеранскиот остров, кој е многу популарен меѓу германските туристите, соопшти дека 16 повредени лица се пренесени во блиските болници. Се наведува дека седуммина од повредените се во критична состојба. Останатите девет се тешко повредени, но надвор од животна опасност.

Според властите на Мајорка, загинале еден маж и три жени. Засега не е позната националноста на жртвите.

Шефот на противпожарната служба во Палма, Едер Гарсија, рече дека повеќето од жртвите се странци „од различна националност и средовечна возраст“. Една од загинатите жени работела во ресторан, објави весникот Ел Паис и други медиуми.

Несреќата се случила на самата плажа. Зградата на Клуб Медуза бич се урна околу 20 часот и 30 минути. Првиот кат веднаш се срушил до подрумот, каде што исто вечерале многу гости, пренесе весникот Ел Паис и други медиуми, повикувајќи се на очевидци.

Првата инспекција покажа дека преоптоварувањето на првиот кат е можна причина за уривањето, рече шефот на противпожарната служба Гарсија.

Јавниот медиумски сервис за Балеарските Острови, ИБ3, јави дека луѓето танцувале на терасата кога таа се урнала и паднала на катот подолу.

Во раните утрински часови итните служби и натаму интензивно трагаат по жртви под урнатините. Нешто пред полноќ, портпаролот на полицијата даде добра вест: „Со 90 отсто сигурност“ нема повеќе жртви под урнатините, рече тој на прашањето на германската новинска агенција ДПА. Но, потрагата ќе продолжи онолку долго колку што ќе биде потребно, вели портпаролот, најверојатно „уште многу часови“.