Украинскиот претседател Володимир Зеленски најави закон за поистоветување на корупцијата со предавство за време на војната. „Не знам дали законодавниот дом ќе го поддржи овој предлог, но јас дефинитивно ќе го предложам“, рече Зеленски во интервју објавено вчера (27.08). Успешнатаборба против корупцијата и сивата економија е и во рацете на граѓаните и компаниите, предупреди Зеленски. „Мораме да бидеме искрени, мора да плаќаме даноци“, рече тој.

Досега украинското законодавство предвидуваше различни казни за корупција, кои се движат од парична казна до четири години затвор. Во особено тешки случаи, казната може да биде и до дванаесет години. Предавство, пак, се казнува со 15 години до доживотен затвор.

Подобрата борба против корупцијата е важна и за евентуален пристап на Украина во ЕУ. Освен тоа, Европската комисија бара да се почитуваат стандардите во борбата против перењето пари и да се спроведе закон против прекумерното влијание на олигарсите.