آيا په مني کې به د درملنې له پاره لومړنۍ نمونې چمتو شي؟
په ياده پروژه کې برخوال څېړونکي وايي چې په تر ټولو مناسبو انتي باډيو پسې پلټنه څو دارو درمل ورڅخه جوړ شي، د جون مياشتې تر نيمايي پورې دوام پيدا کوي. د دغسې انتي باډيو تر موندنې وروسته څېړونکي غواړي هغه د زړه او پښتورګو پر حجرو باندې وازمايي او کلينيکي څېړنو ته يې هم لاره هواره کړي.
توماس شيرمن چې د بيوټکنالوژۍ په «يوماب» نومي شرکت پورې اړه لري او په دې پروژه کې هم فعاليت کوي، واييهيله يې دا ده چې ټيم به يې په کرونا ويروس د مبتلا کسانو درملنه د سږ کال په مني کې پيل کړي.
بيورن توملر چې د آلمان د نيدرزاکسن آيالت د علومو وزير دی، د دغو تحقيقاتو په ستاينې سره ويلي دي چې هغه د دغې تحقيقاتي موسسې له برياليتوب څخه ډېر خوشحاله دی. د ده په خبره دا هغسې تحقيقات دي چې د کوويد -۱۹ ناروغۍ په وړاندې په مبارزه کې د لا ښې درملنې زېری له ځانه سره لري.
کرونا: آلماني ډاکټران ولي خپل لوڅ انځورونه خپروي؟
د آلمان يو شمېر کورني ډاکټرانو یوازې د حفاظتي لباس د نه شتون له کبله احتجاج نه دی پيل بلکې دې ته هم د پام د راگرځولو هڅه کوي چې د کرونا د بحران پر مهال د هغوی نظر ته ډيره پاملرنه نه ده شوې.
انځور: picture alliance/dpa
په مهمو پريکړو کې نه شريکول
په آلمان کې د مارچ مياشتې په پيل کې پریکړه شوې وه چې هغه کسان چې د ريرش يا د تنفسي جهاز د ميکروبي کيدو معمولي علايم لري، بايد ډاکتر ته ولاړ نه شي. د دې پړيکړې دليل د معاينه خانو د کار بار سپکول او د کوويد ۱۹ ناروغۍ د خپريدو مخه ونيول ول. خو د اپريل مياشتې په نیمايي که په ناڅاپه ټوگه دا مقررات لغوه شول چې دې کار ډاکتران سخت په غوسه کړل.
انځور: Blanke Bedenken
د حفاظتي لباس کمښت
ډاکتران همدا راز د کرونا وبا د بحران پر وخت د حفاطتي وسايلو د کمښت له وجې هم ناراضه دي. هغوی وايي:«موږ پوهيدو چې که يوازې يوه احتجاجي ليکنه واستوو، نو غږ به مو انعکاس پيدا نه کړي.» دې ډاکترانو له همدې کبله د يوه فرانسوي ډاکتر مثال تعقيب کړ چې د حفاظتي لباس پر نه شتون د انتقاد په موخه یې په ټولنیزو رسنيو کې خپل لوڅ انځور خپور کړی وو.
انځور: Blanke Bedenken
له تخيله ډک
په دې نوښت کې شريک ډاکتران په خپله معاينه خانه کې يا هم د کتنځای دباندې په داسې حال کې انځورونه اخلي او بيا یې پر ټولنیزو رسنیو خپروي، چې لوڅ وي، د زياترو یې ماسکونه پر مخ وي او ستیتسکوپ او يا د فشار د کتلو آله ورسره وي
انځور: Blanke Bedenken
د پزې او خولې د ماسکونو کمښت
د آلمان د مونشن يو کورنی ډاکتر هانس بلاکنفيلد دا درک کوي چې په ټوله نړۍ کې د تقاضا له کبله د حفاظتي لباس، ماسکونو او ضد عفوني موادو رسیدل د ځنډ ښکار شوي خو کوم څه چې هغه نه شي درک کولی دا دي چې دا کمښت د اوونيو راهيسې موجود دی. هغه وايي چې له مريضانو سره د تليفون له لارې د مشورې موده چې اوس د مي تر اتلسمې غځول شوې ده، کافي نه دي. ډاکتران غوښتنه کوي چې دا موده دې د دې وبا تر ختميدو پورې وغځوله شي.
