په مدیترانه سمندر کې د ژغورنې آلمانۍ کښتۍ چې هیومینټي ۱ نومیږي، اوسمهال د ایټالیا جنوب کې پروت بندري ښار باري په لور روانه ده ترڅو ژغورل شوي مهاجر وچي ته ورسوي.
د دغه سازمان د معلوماتو له مخې، د ملکي څارنې الوتکې دغې ژغورونکې کښتۍ ته په سمندر کې په بېړني حالت کې د درېو کښتيو د بندېدو خبر ورکړ او بيا يې د ژغورلو ماموريت پيل کړی دی.
په ورته وخت کې چې د ژغورنې کښتۍ ته د دغو کډوالو د لیږدولو هڅه روانه وه، د لیبیا ساحلي ساتونکي هم د پیښې ځای ته رسیدلې ول.
ویل کیږي چې د بې نظمیو سربیره د ډزو غږونه هم اوریدل شوي. د اس. او. اس هیومنتي د معلوماتو په اساس خلکو ځانونه اوبو ته اچول. د دغه سازمان په وینا یو تن ډوب شوی هم دی.
دا معلومات په خپلواکه توګه نشي تایید کیدلی. دغې ادارې له دې پېښې وروسته خپله خواشیني څرګنده کړې او ټولو مسوولینو ته یې خبر ورکړی دی.
په بلجیم کې لسګونه افغانانو د کډوالۍ اسنادو لپاره لاریون کړی
د بلجیم په مرکز بروکسل کې لسګونه افغانانو د کډوالۍ اسنادو د نه ورکولو له امله لاریون وکړ. لاریون کوونکي وایي، چې د بلجیم دولت ډېر شمېر نویو راغلو افغان کډوالو ته د قبولۍ رد ځواب ورکړی. انځور: Alam Khan Khogyaniwal د افغان کډوالو د قبولۍ ردیدل د بلجیم په مرکز بروکسل کې لسګونه افغانانو د کډوالۍ اسنادو د نه ورکولو له امله لاریون وکړ. لاریون کوونکي وایي، چې د بلجیم دولت ډېر شمېر نویو راغلو افغان کډوالو ته د قبولۍ رد ځواب ورکړی.
انځور: Alam Khan Khogyaniwal د لاریون یوه تنظیم کوونکي علم خان خوږیاڼیوال دویچه ویله ته وویل، چې له دې لاریون څخه یې هدف دا دی، چې د بلجیم دولت د رد شویو افغان کډوالو په دوسیه بیا له سره غور وکړي.
انځور: Alam Khan Khogyaniwal د کډوالۍ د نړیوالو قوانینو سره سم د چلند غوښتنه نوموړی غوښتنه کوي، چې له دوی سره دې د کډوالۍ نړیوالو قوانینو سره سم چلند وشي.
خوږیاڼیوال وویل: «موږ د کډوالو چارو له ځانګړو محاکمو نه وغوښتل، چې د افغانانو ستونزو ته په پام او د کډوالۍ د نړیوالو قوانینو په رڼا کې د دوی په دوسیو له سره کتنه وکړي.»
انځور: Alam Khan Khogyaniwal «د بلجيم دولت بايد راته پاملرنه وکړي» د لاریون ګډوال وایي، چې په دغه هېواد کې افغانان کډوال له یو شمېر لومړنیو حقونو هم بې برخې دي، چې د بلجیم دولت باید ورته پاملرنه وکړي.
انځور: Alam Khan Khogyaniwal لاريون کوونکو اعلاميه هم خپره کړه د لاریون د خپرې شوې اعلامیې په یوه برخه کې د غوښتنو په صفت راغلي: «د بند کمپ لرې کول، دیپورته نه کول، د بې اسنادو مهاجرو او پناه غوښتونکو مجرم انګارۍ )سخت چلند( ختمول، اساسي حقونو ته درناوی، د ماشومانو حقونو ته درناوی او عملي کول.»
انځور: Alam Khan Khogyaniwal اریون کوونکو ویل، چې اوسمهال ډېر شمېر افغانان بې برخلیکه ژوند کوي او د بلجیم له دولت څخه یې غوښتنه وکړه، چې د پناه غوښتنې دفترونه دې د افغان کډوالو له دوسیو سره سم او عادلانه چلند وکړي.
انځور: Alam Khan Khogyaniwal تېر کال اروپا کې د ډېرو کډوالو منل کیدل په ۲۰۲۲ کال کې د اروپايي ټولنې په غړو هېوادونو کې تر ۳۸۴ زرو ډېر پناه غوښتونکي منل شوي او یا یې خوندیتوب ترلاسه کړی دی، چې دا د تېر کال په پرتله ۴۰ سلنه زیاتوالی ښيي.
انځور: Alam Khan Khogyaniwal
یاد سازمان د یوې اعلامیې په خپرولو سره ویلي دي چې د ژغورنې د کښتۍ د کارمندانو او له خطر سره د مخامخ کسانو ژوند په خطر کې اچول، د نړیوالو قوانینو ښکاره سرغړونه ده.
