د بايرن آيالت لومړي وزير، مارکوس زودر د »بيلد آم زونتاګ« ورځپاڼې ته ويلي چې د آلمان له حکومته غواړي چې په آيالتي کچه د ايسار ۲ نومي اټومي برېښناکوټ د چلولو اجازه دې ورته ورکړل شي.
د انرژۍ آژانس په بحران کي چانسونه هم ویني
د زودر په خبره »ترڅو چې کړکېچ پای ته نه وي رسېدلی او نوي کېدونکو انرژيو ته انتقال بريالی شوی نه وي، بايد د لسيزې تر پايه پورې هر ډول انرژي وکاروو.«
زمونږ
زمونږ
بايرن همداراز غواړي چې د اتومي هستو په فيوژن يا يوځای کېدو کې مخکښ رول ولري چې د انرژۍ د ګټلو يوه نوې لاره ده. د زودر په خبره د بايرن آيالت بايد يوه نوې څېړنيزه بټۍ ولري چې دغه کار له نورو هېوادونو سره په همکارۍ هم تر سره کېدای شي. نوموړي زياته کړه چې د اتومي پاتې شونو د کارونې يوې ملي تحقيقاتي ستراتيژۍ ته هم اړتيا ليدل کيږي.
سولر انرژي د اقلیم په ساتنه کې مرسته کوي
د ځمکې د تودوښي د محدودولو هدف ته د رسيدو له پاره د بيا نوې کيدونکې انرژۍ سرچينې د فوسيلي انرژۍ ځای بايد ونيسي. لمر د انرژۍ بالقوه ستره سرچينه ده او په ټوله نړۍ کې اوس د سولار انرژۍ څخه ګټه اخيستل کيږي. انځور: picture-alliance/AP Images/Chinatopix لمزیزه بريښنا: په ټوله نړۍ کې د سولر تختې د انرژۍ د رسولو په برخه کې مخکښ دي. د ټولي نړۍ د انرژۍ دوه سلنه اړتيا لمریزه بريښنا پوره کوي. په اروپايي ټولنه کې آن ۴ سلنه. د اټکلونو پر اساس به تر ۲۰۲۰ م کال پورې د نړۍ د انرژۍ ۳ سلنه او تر ۲۰۳۰ م کال پورې آن ۱۳ سلنه اړتيا د لمزيزې بريښنا له لارې پوره کيږي.
انځور: BELECTRIC.com چين په چټکۍ سره لمريزې بريښنا ته وده ورکوي چين د سولر انرژۍ په برخه کې مخکښ دی. د ۲۰۱۷م کال تر پايه پورې په دغه هيواد کې پر ډيره ستر ساحه سولري تختې نصب شوې، چې د بريښنا جوړولو مجموعي وړتيا یې ۱۳۱ گيگا وات ته رسيدله. دا د کابو ۱۳۰ سترو اتومي او د ډبرو د سکرو د ۲۵۰ دستگاه څخه هم زياته انرژي ده. آلمان د ۲۰۱۷ تر پای پورې د ۴۳ گيگا وات لمزيزې بريښنا د توليد وړتيا لرله.
انځور: Getty Images/T.Yiwei لمریزه بريښنا ډيره ارزانه انرژي ده د سولر انرژۍ اهميت وار د واره زياتيږي. په هند کې تر اوسه تر لس گيگا واته زياتره لمريزه بريښنا توليديږي خو تر ۲۰۲۲ م کال پورې دا بايد ۱۰۰ گيگا واته شي. دمگړی په ټوله نړۍ د سولر د نويو دستگاو څخه په لاس راوړل شوي انرژۍ تر ټولو ارزانه تمامه شوې. هند او چين ځکه د ډبرو سکرو د نويو دستگاو پلانونه درولي دي.
انځور: SAM PANTHAKY/AFP/Getty Images د سولر انرژۍ په برخه کې پرمختگ په ټوله نړۍ کې کابو دوه ميليارده انسانان برق ته لاس رسی نه لري. د رڼا له پاره زياتره د تيلو له څراغونو څخه استعفاده کيږي. خو د خارو تيل هم گران دي او سوځول یې تنفسي ناروغۍ پيدا کوي. د دې په پرتله سولر سستم چې بيتري ولري او LED څراغونه ارزان تماميږي. په بنگله ديش کې له دې لارې کابو ۴ ميليونه کورونو ته بريښنا ورکول کيږي.
انځور: ME SOLshare Ltd. په افغانستان کې د لمریزې بريښنا څخه استعفاده د افغانستان د بریښنا شرکت په حواله په دغه هیواد کې په اوسط ډول په کال کې۳۰۰ لمریزي ورځې وي نو افغانان کولای شي چې په ډیر ښه ډول له پاکي لمریزي انرژۍ څخه کار واخلي. د افغانستان په ليرو پرتو سيمو کې خلک په شخصي لگښت د سولر تختۍ رانيسي او د بريښنا خپله اړتيا په پوره کوي.
انځور: Hussain Sirat د انرژۍ خپل اړتيا خپله پوره کول د شخصي کورونو خاوندانو او شرکتونو د سولر انرژۍ له لارې د انرژۍ د اړتياو پوره کولو ته مخه کړې ده. په آلمان کې دا خپله پيدا کړل شوی برق د بريښنا د شرکتونو په پرتله ډير ارزانه او کابو په نيمه بیه تماميږي.
انځور: DW/Gero Rueter د خپلې توليد کړې بریښنا ساتل لا دمگړۍ گران بيه تماميږي. خو د سولاري بيتريو له لارې د دې قيمت هم مخ پر ځوړ دی. د بيتريو د تخنيک له وجې د خپلې انرژۍ د توليد تمايل لا پسې چټک شوی دی.
انځور: DW/G. Rueter د «سولر امپلز ۲» په نوم الوتکې د لمريزې بريښنا پر مټ د نړۍ چکر وواهه. دا الوتکه ډيره سپکه ده او سولاري هستې او بيتري گانې یې ماشين ته انرژي ورکوي. د نړۍ د دې سفر سره د هوايي چلن دې نوښتگرو وښووله چې د انرژۍ او تخنيک نور ډير امکانات هم شته او د سولر انرژۍ څخه د استعفادې له پاره یې تبليغ وکړ.
انځور: picture-alliance/AP Photo/N. Berger لمر د نړۍ تر اړتيا ۱۰۰۰ چنده زياته انرژۍ لري. سولار تخنيک په ټوله نړۍ کې د انرژۍ د اړتيا د پوره کولو او د تودوښي د محدودولو په برخه کې مهم نقش لوبولای شي. د اقليم هدفونو ته د رسيدو له پاره په نړۍ کې له سولر انرژۍ څخه استعفاده ډير مهمه ده او دا کار بايد په ډيره چټکۍ سره وشي.
انځور: DW/G.Rueter
د هغه په خبره د راتلونکو نسلونو په وړاندې مسئوليت يوازې دا نه دی چې د اتومي پاتې شونو د يوه وروستي زېرمتون په هکله بحث وشي، بلکې د يوه تخنيکي حل په موخه بايد نوښتګرې لارې چارې ورته ولټول شي.
د فوکوس آنلاين رسنۍ سره په يوه خپره شوې مرکه کې زودر د وروستيو دريو اتومي بټيو پر تړل کېدو نيوکه کړې وه او ويلي يې وو چې دغه کار اوسمهال د عملي وجوهاتو له مخې بې مفهومه دی.
په آلمان کي بریښنا تر بل هر وخت گرانه سوې
د دې پوښتنې په ځواب کې چې څنګه غواړي دغه بهير ودروي، زودر ويلي وو چې که د آلمان د »سي ډي يو« او »سي اس يو« ګوندونه راتلونکي پارلماني انتخابات وګټي به »اتومي انرژۍ ته دوام ورکړل شي.« دا په داسې حال کې ده چې په بايرن آيالت کې د اکتوبر په مياشت کې نوی آيالتي پارلمان ټاکل کيږي.
آ./ن.ص./ش.ن.
