ديميزير له ام ډي آر رسنۍ سره په خبرو کي وويل: «ما په اګست میاشت کې اعلان وکړ، چې امکان لري آلمان ته شاوخوا ۸۰۰ زره مهاجر راشي، خو له دي خبري څخه افغانانو داسي اخيسته وکړل، چې ګواکي آلمان ۸۰۰ زره مهاجر مني.»
هغه زياته کړه: «کله چې زه د کډوالو شمېر د کمښت په باب خبري کوم، دا په دقیقه توګه په دې مانا ده چې دا به د تیر کال په پرتله ډېر لږ وي.»
د کورنیو چارو وزیر اعلان وکړ، چې حکومت به تر یو نامعلوم وخته پورې خپل سرحدونه ټينگ وڅاري او هر مهاجر چې د آلمان خاوري ته راداخليږي، د دغه هیواد د مسئولو چارواکو له خوا به راجستر کیږي.
ديميزير خبریالانو ته وویل: «موږ به هغه کسان چې د داخلیدو معتبر اسناد په لاس کې نلري او هغه چې په آلمان کې د پناه غوښتنه نه وکړي، بیرته واستوو.»
هغه وويل آلمان ته په جنورۍ میاشت کې په ورځ کې په اوسط ډول، ۲۰۰۰ مهاجر راغلي دي، خو په کار ده چې دغه شمیر تر ډیره حده راښکته کړل شي. ديميزير همدا راز وویل، چې د آلمان حکومت د اروپا په کچه په دې لټه کې دی، چې د امکان تر حده پورې دغو ستونزو ته د حل لاري چارې ولټوي، چې په هغو کې د اروپا د بهرنيو سرحدونو د امنیت ساتنه، له ترکیې سره خبري اتري او له گواښ سره مخامخ سیمو ته د بېړنيو مرستو برابرول شامل دي.
پر ميرکل فشارونه
په ورته وخت کې د آلمان پر صدراعظمي انګیلا میرکل باندي د خپل گوند (مسيحي ديموکرات اتحاد) له خوا د مهاجرو شمېر د کمښت په برخه کې فشارونه ډېر شوي دي. د ميرکل د گوند غړی او د زاکسن ایالت مشر ستانیسلاو تیلیش ټینګار کوي، چې آلمان دې د مهاجرو د منلو په شمېر کې کمښت راولي.
هغه د آلمان له دويتچلاند فونک راډيو سره په خبرو کي وويل «دا طبیعي خبره ده چې موږ بايد، خپل هیواد له بحران څخه وژغورو». هغه وویل: «موږ د دغو خلکو د خوندي ساتلو له پاره نه یوازې د خپل توان تر حده، بلکه تر هغه مو لا زیات اقدامات ترسره کړي دي».
د یوې نوې ژبې زده کول اسانه کار نه دی. د دې له پاره چې تاسو ژر آلماني ژبه زده کړای شئ، دغه کارونه له تاسو سره مرسته کولی شي.
انځور: picture-alliance/dpa
هر څه چې مو زده وي، و یې کاروئ
په یوې نوې ژبې خبرې کول ستونزمن کار دی ځکه یو کس باید هغه څه چې تازه زده کړي وکاروي. له دې کبله که داسې څوک چې له تاسو سره په آلماني ژبه خبرې وکړي نه وي، نو تاسو باید به خپله ډیر تمرین وکړئ.
پر وړوکو کاغذونو باندې د هر هغه څه نومونه ولیکئ چې تاسو ترې هر ورځ کار اخلئ. دغه نومونه بیا پر دغو توکو باندې وچسپوئ. دا د ورځې په جریان کې د نویو کلمو د یادولو ښه لار ده. د دغو نومو جمع حالت په آلماني ژبه کې له هغوی سره کاریدونکي ارتیکل هم ولیکئ.
تر ټولو مهمه خبره دا ده چې خلک ستاسو په خبرو پوه شي. دا په دې معنی نه ده چې ستاسو هره جمله دې په بشپړه توګه سمه وي. که تاسو په یوې جملې ګرامری غلطي وکړئ دا کومه لویه ستونزه نه ده.
انځور: Fotolia/lassedesignen
آلماني راډیو ته غږ شئ
کله چې تاسو تازه آلماني ژبه زده کوي ښايي دا ستونزمن کار وي چې تاسو په آلماني ژبه د راډیو په پروګرامونو پوه شئ. خو که تاسو ډیره راډیو واورئ، نو تاسو له آلماني ژبې سره لا ډیر اشنا کیدای شئ.
انځور: picture-alliance/dpa/L. Schulze
داسې یو کس وموندئ چې تاسو ته آلمان ژبه زده کړي
تاسو کولای شئ داسي آلمانیان وموندي چې غواړي تاسو ته آلماني ژبه زده کړي او له تاسو خپله ژبه یاده کړي. له دې کار سره تاسو کولای شي له دغه کس سره مرسته وکړئ او په بدل کې مرسته ترلاسه کړئ.
انځور: Colourbox
د پخلي پر مهال له آلماني ژبې کار واخلئ
د دې له پاره چې تاسو د خوراکي توکو نومونه زده کړئ، د پخولو پر مهال د هغوی نومونه هم زده کړئ.
انځور: Deyan Georgiev/Colourbox
هغه کتابونه چې تاسو پیژنئ په آلماني ژبه ولولئ
هغه کتاب چې ستاسو خوښ وي په آلماني ژبه وموندئ او بیا یې ولولئ. دا چې دغه کتاب تاسو پخوا په یوې بلې ژبې لوستئ دی نو له تاسو سره مرسته کوي چې په آلماني ژبه هم له هغه څخه خوند واخلئ او نوي لغات زده کړئ.
انځور: Colourbox
آلماني سندرې واورئ او زده یې کړئ
مویزیک د یوې ژبې د زده کولو ډیره ښه لار ده. تاسو له دې سره هم سندرې اوریدای شئ او هم کولای شئ چې نوي لغات او جملې زده کړئ.
انځور: Getty Images/A. Rentz
فلمونه او یا تلویزیوني پروګرامونه په آلماني ژبه ووینئ
دا د آلماني ژبې د زده کړې او تفریح د سره یوځای کولو یوه ښه لار ده. په آلماني ژبه ډیر ښه فلمونه او تلویزیوني پروګرامونه شته چې تاسو آن کولای شئ هغه له انګلیسي لیکلي متن سره ووینئ.