د برلين د تيرګارتن په محکمه کې يوه جاري قضيه دا خبره څېړي چې په دغه افغان کډوال باندې د تعصب او توکم پالنې له مخې بريد شوی دی او که نه. په روانه حقوقي قضيه کې اوس دغه افغان د اصلي شاهد او د مدعيانو له جملې څخه بلل کيږي.
دغه بريد د ۲۰۱۷ کال په اپريل کې د مترو له يوه تمځای سره شوی دی چې ويل کيږي يو پوليس هم پکې ښکېل وو. د دغه افغان اصلي نوم په خبرپاڼه کې نه دی ښودل شوی. دغه افغان د روان کال په مارچ مياشت کې افغانستان ته اخراج شوی دی سره له دې چې څارنوالي ورته د شاهد په توګه اړتيا لري.
د برلين د کډوالو شورا، د پرو آزول او ريچ آوت په نوم ټولنو او همداراز د مدافع وکيلانو يوې اتحاديې اوس غوښتنه کړې چې دغه کس چې مستعار نوم يې جميل احمدي ښودل شوی دی، بايد فورا برلين ته بېرته راوستل شي.
په آلمان کې د افغان رد شویو مهاجرینو د اخراج پر ضد وخت نا وخت اعتراضونه کیږي.انځور: picture alliance/M.Balk د کرونا په وجه له تقريبا يو کلن ځنډ وروسته ټاکل شوې دغه جزايي قضيه د ۲۰۲۱ کال د جنورۍ په شلمه بېرته پيل شي. د جميل احمدي ملاتړکوونکي سربېره پر دې دا غوښتنه هم لري چې نوموړی دې د تعصبي تاوتريخوالي د يوې پېښې د قرباني په توګه په آلمان کې د اقامت اجازه تر لاسه کړي.
داسې ويل کيږي چې نوموړي افغان د بريد له کبله سخت ټکان خوړلی او هغه «له مترو څخه شړل شوی» دی چې له دې وروسته «هغه بې سرپناه شو، مخدره مواد يې وکارول او بندي شو.»
د ډېرو جرمونو له کبله چې دی ورباندې تورن وو، نوموړی بالاخره له آلمان څخه افغانستان ته اخراج شو.
اي پي دي/ن ص/خ ح
زموږ له آرشیف څخه:
د جرمني څخه د مهاجرو د اخراج مقررات څه ډول دي؟
د جرمني داخله وزیر د ۱۶ ایالتونو د کورنیو چارو د وزیرانو سره تریوه ویدیو کنفرانس وروسته اعلان وکړ، چي د جنورۍ له اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي. نور جزيات دلته ولولئ:
انځور: picture-alliance/W. Rothermelد جرمني داخله وزارت وايي، چي د سوریایانو د اخراج د منع کیدو لایحه به تمدید نسي. داخله وزير هورست زېهوفر په دې تړاو مخکي هم څرګندونې کړي وې. خو منتقدین دا د پناه غوښتونکو څخه د ساتني بین المللي حقوقو خلاف بولي. د ویچه ویله دلته د دغي مسألې حقوقي اړخونو ته یوه کتنه کړې ده: هغه مقرره چي د ۲۰۱۲ م کال راهیسي په منظم ډول سره تمدیدیږي، په پام کي لري، چي سوریایان خپل هیواد ته د اخراج څخه وساتي.
په سوريه کي د امنيت نشته والی
په سوریه کي اوس هم جنګ دوام لري. دا په دې معنی ده، چي حتی رد سوي پناه غوښتونکي هم، د مجرمینو په شمول په جرمني کي پاته سي. منتقدین وايي، چي په سوریه کي هیڅ ډول امنیتي شرایط وجود نلري. خو داخله وزیر، هورست زیهوفر د ۱۶ ایالتونو د کورنیو چارو د وزیرانو سره تر یوه ویدیو کنفرانس وروسته اعلان وکړ، چي د جنورۍ میاشتي د اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي.
ولي د اخراجیدو ممانعت لغؤ سو؟
په جرمني کي د هغو پناه غوښتونکي، چي رد سوي، او یا یې جرمونه کړي وي، (دولدونګ) یا د پاته کیدلو مؤقتي ویزه ورکول کیږي. خو ددغو کسانو پرضد همیشه د ښی اړخو افراطیانو لخوا اعتراضونه کیږي او تر ټولو دمخه د مسلمانانو پر ضد. د ۲۰۱۱ م کال راهیسي د سوریې جنګ، چي تر ۳۸۷ زره اضافه انسانان پکښي ووژل او په ملیونو کسان د وطن پریښولو ته مجبوره سول، ددې سبب سو، چي شکمن کسان هم په جرمني کي پاته سي.
د جرمني په داخله وزارت کي د ساختماني او هیواد ساتني چارو معین، هانس ګیورګ انګلکه پرون جمعه خبریالانو ته وویل:«هغه کسان چي جرمونه کوي او یا تروریسټي اهداف مخته وړي، زموږ دولت او خلګو ته تاوان رسوي او باید د جرمني څخه اخراج سي.» خو د زیهوفر د اظهاراتو پراساس د تقریبأ ۷۷۰ زرو سوریایانو څخه چي په دې وروستیو وختونو کي جرمني ته راغلي دي، فقط تقریبأ ۹۰ کسانو ته یې د خطرناکو کسانو په سترګه کتل کیږي.
د اخراج څخه انتظارات محدود دي
د کرونا دویروس په سبب د سفر پر محدودیتونو سربیره، سوریې ته په نورو دلایلو هم اخراج ممکن ندی: د نیدرساکسن ایالت داخله وزیر، بوریس پستوریس په دې باب وویل،«په سوریه کي هیڅ داسي مؤسسه وجود نلري، چي موږ د هغه سره ډیپلوماتیک روابط ولرو.»په دې دلیل هغه او سوسیال دموکراټ حزب یې سوریې ته د نه اخراج د قاعدې لغؤ کیدل رد او کوښښ یې وکړ، چي هغه د ۶ نورو میاشتو دپاره تمدید کړي.
د یوه رپوټ پراساس آلمان په ۲۰۱۹ م کال کي۲۲۰۰۰ تنه اخراج کړي دي. البانیا، نایجریا، ګرجستان، روسیه او صربستان د هغو هیوادو د جملې څخه وه، چي په همدغه کال کي یې هر یوه ته زر زر تنه اخراج سول. په همدغه وخت کي تقریبأ ۹۳۰ افغانان او ۸۶۰ عراقیان هم اخراج سوي دي. د رپوټ پر بنأ په ۲۰۱۹ م کال کي د اخراجیدو تقریبأ ۴۰ فیصده موارده د اروپا د اتحادیې نورو هیوادو لکه فرانسې او ایټالیا ته تر سره سوي دي.
هغه کسان نباید د جرمني څخه اخراج سي، چي په خپلو هیوادونو کي یې د جنګونو، تعقیب او یا ازار په دلیل ژوند ته خطر موجود وي. په دغه صورت کي د هغوی اخراج د اروپا د بشر د حقوقو د کنوانسیون څخه سرغړونه ده. دغه کنوانسیون د هغوکسانو اخراجیدل هم منع کوي، چي په خپلو هیوادونو کي د شکنجې سره مخامخ کیدلای سي.
