دغه رپوټ په یوه داسې وخت کې خپریږي چې په آلمان کې بې وزلي زياته شوې او په دې هیواد کې د یو اعشاریه یو میلیون مهاجرو د ادغام په هکله شکونه ډیر شوي دي.
د «بې کوره کسانو له پاره د فدرال آلمان کاري ډلې» په خپاره شوي رپوټ کې راغلي دي چې بې کوره کسانو ته د مناسبو او کورنو د ورکړي کچه لږ شوې. دغي ادارې ویلي دي چې د دې ستونزې اصلي لامل له ۲۰۱۵م کال راهیسې دې هیواد ته تر یو میلیون د ډیرو مهاجرو راتګ دی.
د ۲۰۱۶م کال په هکله د آلمان د فدرالي ادارې د شمیرو له مخې د آلمان د ټولو۸۶۰ زره بې کوره کسانو له ډلې څخه ۴۴۰ زره یې مهاجر دي. که څه هم یاد سازمان ټینګار کړی دی چې د دوی شمېرې دا نه په ګوته کوي چې په سونو زره مهاجر دې پر سړکونو او کوڅو کې ژوند کوي. دوی وايي چې دا ځلکه چې مهاجرین هم په ګډو کورونو او کمپونو کې ژوند کوي.
د آلمان د بې کوره کسانو په هکله ځینې شمیرې
د آلمان د ټولو ۸۶۰ زره بې کوره کسانو له ډلې څخه شاوخوا۴۴۰ زره یې مهاجر دي او پر سړکونو باندي د اوسیدونکو کسانو شمیر بیا ۵۲ زره کسانو ته رسیږي. دا د تیرو دوو کلونو په ترڅ کې ۳۳ سلنه زیاتوالی ښيي. په ورته وخت کې په آلمان کې د کورنو د کمښت له امله د کورنو کرایې لوړې شوي او د کرایې د ورکړي په تړاو په آلمان کې تر ټولو لوړه کرایه د هغو کورنو وي چې يوه يا دوې خوني ولري.
که چيري دغه شمېرې په پام کې ونیول شي، په آلمان کې د داسې کورونو شمیر چې یوازي یو کس پکې ژوند کوي، شاوخوا ۱۷ میلیونو ته رسیږي. سربیره پر دې، د تیر کال په ترڅ کې د آلمان د کورنو په مارکیټ کې د یوې يا دوو خونو لرونکو خالي کورنو شمیر ۵.۲ میلیونو ته رسیدلی وو.
زموږ له ارشيف څخه:
هره ورځ نژدې ۳۰ زره انسانان بې کوره کيږي
د نړۍ په کچه هره ورځ ۲۸۳۰۰ تنه انسانان دې ته اړ کيږي چې خپل کورنه پريږدي او یا مهاجر شي. په حاضر وخت کې افغانستان تر سوريې وروسته د زياتو مهاجرو په لرلو دويم ځای لري.
انځور: picture-alliance/AP Photo/M. Sajjadپه اوس وخت کې د نړۍ په کچه ۶۵ اعشاريه ۶ ميليونه انسانان جبرا خپلو کورونو پريښودو ته اړ ايستل شوي دي.
اوسمهال په ټوله نړۍ کې ۲۲ نيم ميليونه انسان د مهاجرت ژوند کوي.
هره ورځ د نړۍ په کچه ۲۸۳۰۰ تنه انسانان مهاجرت او يا خپلو کورنو پريښودو ته اړ ايستل کیږي.
د نړۍ د پنځه ويشت نيم ميليون مهاجرو څخه ۱۷ اعشاريه ۲ ميليونه يې ماشومان تشکيلوي
د نړۍ له مهاجرو څخه ۵ اعشاريه ۳ ميليونه يې فلسطيني مهاجر دي چې د ملګرو ملتونو د مهاجرت ادارې لخوا راجستر شوي دي.
اوس مهال په ټوله نړۍ کې ۱۰ ميليونه انسانان په بې کورۍ کې ژوند کوي.
سوريه، افغانستان او سويلي سوډان د نړۍ تر ټولو زيات مهاجر (۵۵ سلنه برخه) تشکيلوي.
سوريه د نړۍ تر ټولو زيات (پنځه نيم ميليونه) مهاجر لرونکی هيواد دی.
افغانستان د دوه نيم ميليونه مهاجرو په لرلو دويم هيواد دی.
دغه ملک د ۱ اعشاريه ۴ ميليونو مهاجرو په لرلو د نړۍ په کچه دريم تر ټولو زيات مهاجر لرونکی هيواد دی.
يوازې په ۲۰۱۶ کال کې ۱۸۹۳۰۰ مهاجر ځای پرځای شوي دي.
د مهاجرو د ځاي په ځاي کيدو لپاره لمړني کورونه د سترو کمپونو په بڼه تياريږي.
د سوريايي مهاجرو د يو کمپ يوه څنډه. په کمپ کې نوی ژوند تر ډيره بريده يوه ترخه تجربه هم وي.
اروپا ته د اکثرو مهاجرو د تلو يو عمده مقصد ښه ژوند لرل او تر يو بريده کاروبار دی.
په تيرو درو کلونو کې تر ډيره اروپا ته مهاجرتونه وسول، په دې لار کې مهاجر سختو تکليفونو سره مخ کيږي.
۲۰۱۶ کال د مهاجرو لپاره تر ټولو مرګونی کال وو. يوازې اروپا د تلو پر وخت سمندر کې شاوخوا ۴۵۰۰ انسانان اوبو کې مړه شول.
يوازې د ملګرو ملتونه د مهاجرت اداره د نړۍ په ۱۳۰ هيوادونو کې د مهاجرو په چارو کې مرستندويه فعاليتونه کوي. په دې برخه کې نور سازمانونه هم اخته دي.
ارقام: د ملګرو ملتونو د مهاجرت اداره. انځورنه: دويچه ويله آرشيف. چمتو کونکی: محمد کريم صالح
