د دغه وزارت ویاند عبدالسلام جواد دویچه ویله ته وویل، چې په دې محموله کې د جلغوزو مغز شامل وو، چې له معیاري بسته بندۍ وروسته له هرات ولایت څخه د ځمکې له لارې المان ته ولیږل شول.
هغه وایي: «دا ۱۲ ټنه د جلغوزو مغز وو، چې ارزښت یې ۴۰۰ زره امریکایي ډالر کیږي، د ځمکې له لارې به لومړۍ ایران، بیا ترکیې او له هغه ځای به اروپا او جرمني ته ولیږدول شي.»
دا په داسې حال کې ده، چې د روانې میاشتې په پیل کې له یو کال ځنډ وروسته د هوایي دهلیز له لارې چین ته د جلغوزو صادرات پیل شول.
د سوداګرۍ وزارت مسؤلین زیاتوي چې له هند سره د تړون له مخې به یې د هوایي دهلیز له لارې د افغانستان تازه او وچه مېوه او لاسي صنایع دغه هېواد ته لیږل کیږي.
که څه هم په دې وروستیو کې افغان حکومت د افغانستان دغه وچې قیمتي میوې (جنغوزیو) ته پام ډېر کړی، خو تر اوسه په خوست کې د پروسس او بسته بندۍ کومه فابریکه نه ده جوړه شوې او سوداګر جنغوزي په دودیز ډول پروسس کوي.
انځور: DW/F. Zahir
د جلغوزیو سوداګر وایي که معیاري فابریکه ورته جوړه شي، نو کار به یې اسانه شي له غوټو د جنغوزیو پروسس به یې د میاشتو پر ځای ورځې وخت نیسي او هم به یې بازاز ته په معیاري ډول وړاندې کوي.
انځور: DW/F. Zahir
د افغانستان حکومت په نزدې وختونو کې له هېواده د وچې میوې په قاچاق بندیز لګولی. د افغان ولسمشر له خوا د یوه فرمان په ترڅ کې ګمرکونو او هوایي ډګرونو ته امر شوی، چې د جنغوزي او پستې د قاچاق مخه ونیسي.
انځور: DW/F. Zahir
اوس په بازار کې یو کیلو جلغوزي تر ۲۸۰۰ افغانیو پلورل کیږي، چې له صاداراتو وړاندې د یو کیلو جنغوزيو بیه شاوخوا ۱۵۰۰ افغانۍ وه.
انځور: DW/F. Zahir
جنغوزه د پستې او زعفرانو په څیر د افغانستان له مهمو صادراتي اقلامو څخه شمیرل کیږي، چې د چین په شمول یو شمیر نورو هیوادونو ته صادریږي.
